حياتي 20
كنت مرهقه ونيتي منسده لذلك صليت و رقدت.
نضت من النوم على صوت دق باب الدار،،تقعدت:-تفضل.
خش إبراهيم مبتسم:-صح النوم.
أنا استغربت من امتى الكلام السمح!!!!!!!!!!!!!
خش وقعمز على طرف السرير:- ألف مبروك ان شاء الله.
أنا خدودي انحمرن وتحشمت على الأخر ما عمر كانت في صراحه بينا في المواضيع هذي.
إبراهيم:-اتصل فتحي وقال أنه روح،، قالي جايكم بعد العشاء.
لما شاف وجهي أني مرهقه طلع.....
طبعاً اكيد جاي يسلم ولا يبرر مش جاي يبي يأخذني.
الله يسامحك يا إبراهيم قصدي الله لا يسامحك كان خليتني راقده خير.
طبعاً الحق أني من أول ما تزوجت لما نجي لـ هلي ما نتعبش واجد لأن الشباب خذوا على الحركه بروحهم.
درت العشاء وأنا ما تعشيت كويس كبدي مش متحمله.
بعدها خشيت للدار نبي ندير لمسات بس منبش فتحي يعرف أني نستنا فيه.
درت حاجات خفيفه وغيرت التوته و درت برمه على المربوعه.
وقعدت على كتاباتي،،،،،،،،،،
بعد وقت جاني سعد وقالي فتحي يبيك.
قلبي قعد يرقص،،الوضع من بياخته تمنيت الوحم يجي عليه بالك تخف لهفتي عليه.
مشيت للمربوعه سلمت عليه وقعدت،،وبابا طلع.
فتحي:-كيف حالك؟؟؟؟
أنا:-تمام
فتحي:-شن اخبار القرايا؟؟
انا:-تمام
فتحي:-امتحاناتك ايش وضعهن؟؟
أنا:-تمام
فتحي:-كلو تمام يعني؟؟؟؟
اه
رجاء؟
أنا:-نعم
فتحي:-كنك ساكته؟؟
أنا:-وأنت كنك تتجاهل؟؟؟
تتصرف كأن ما في شئ صاير ونحنا واصلين لطريق مسدودة.
فتحي:-بالعكس أنا وضعي معاك ميه الميه وسعيد معاك.
أنتي يلي تجيبي في كلام زايد مش عارف ليش؟؟
أنا:-فتحي سبق وطلبت الطلاق منك،، ليش مزلت تأجل؟؟؟؟
فتحي:-لحقنا نعيشوا بش نطلقوا؟
أنا:-اقنعني أي حب هذا اللي يخليك تسافر بدون ما تسلم على زوجتك؟
أي حب يلي يخليك تسافر وما تكلف نفسك تتصل تطمن حتى مره؟؟
لو زوج واحد أخر كان يتصل في اليوم عشر مرات.
نشوف في خواتي لما يقعدن هنا 24ساعه راجلتهن يتصلوا بيهن،،ألا أنت بايعني وعايفني وهاملني.
مش حياة هذي يا فتحي مش حياة بكل.
كان امك السبب ساهله نمشولها نحكولها.
فتحي:-تي شن دخل أمي بس؟؟؟
وسعي بالك وكبري عقلك،،الكلام التافه هذا مش لنا.
بعدها أمي مستحيل تتقبل زواجنا نشوف فيها زي ما نشوف فيك توا.
أنا:-بس لو علمت أني حامل توا ترضا.
فتحي انصدم!!!!!!!!!!!!!!!!!!!!!
:-حامل؟؟؟؟؟؟
وابتسم وبحت في:-جد؟
أنا:-شيفتك فرحت؟؟؟؟
فتحي:-اكيد نفرح ربي حيفرحني بولد ولا بنت من البنت يلي حبيتها.
ومزلت نحبها.
أنت تقرأ
حيـاتـي💔(مكتملة)
Romanceللكاتبة سمية الدرناوي باللهجة الليبية...تحكي عن بنت عاشت حياتها ظلم وتموت امها وتنجبر ع عريس ماتبيهش ويصيرن معاها احداث واااجد ومشوووقه.. رواية رووووعه ومن اجمل الروايات اللي قريتهن ❤
