حيـاتـي💔(مكتملة)

الـحـلـقــة 29

حياتي29

طرابلس كانت تهبل وعيت عم سعاد كانوا ناس ذوق ورقي ،،

انسجمت كل يوم العشيه يأخذنا راجل سعاد ندهورو النونو قاعد يزحف وخايفين عليه من كل حاجه.

قعدتي مع سعاد زادته دلال معش يبي ينزل ،ديما يبي واحد شايله.

في يوم من الأيام سعاد كانت عندها مراجعه بحملها ألحت عليا واجد نمشي معاها نشوف العياده.

مشيت معاها،،،
بعد طلعنا قالت لـ راجلها على محل وصلها لما جت بتنزل عطت ولدها لراجلها وقالتلي هيا معاي.

طبعاً مش منطقيه نقعد مع راجلها برواحنا،،نزلت معاها.

كان محل عطور ومواد تجميل كبير خذت سعاد حاجات ومشت تبي تسلك مشيت وراها.

انصدمت قلبي وقف رجليا انشلوا لا كل جسمي انشل حتى عيوني معش رمشن.
صدمه.

الصابر صاحب المحل.

بس هو لما شافني ما انصدم بالعكس كان عادي جداً.

بحتت في سعاد لقيتها مبتسمه عرفت أن في شئ،،معش قدرت نقعد انخنقت بغبار الماضي حسيت المكان كمل من الاكسجين.

طلعت نجرررري من المحل وركبت في السيارة حاطه يدي على قلبي ونلقط في أنفاسي.

راجل سعاد لف وجه:-خيرك؟
خيرها سعاد ما طلعت معاك.

أنا نرجف:-تـ توا تطلع اهي وراي.

جت سعاد وركبت و روحنا وأنا طول الطريق حاسه باضطرابات داخليه.

شن هذا؟؟؟؟؟؟؟؟؟
آخر حاجه كنت نتمناها أني نشوفه بعد كل هالسنين.
لا لا.
و هزيت راسي نبي نباعد مني الذكريات يلي جن.

وصلنا لحوش سعاد خشيت على طول للدار.
جت سعاد وراي متنرفزة:-فعلاً أنك وحده حيوانه وقليلة ذوق وضمير.

أنا رفعت عيوني نبحت في سعاد عمر سعاد ما حكت بالأسلوب هذا معايا:-كنك؟؟؟
سعاد:-تقدري تقولي ليش طلعتي من المحل زي المكلوبه يا مطرشقه؟
يا حاله.يا متخلفه.

أنا:-يلي في المحل هو.....
سعاد وقفتني وهي امعصبه:-عارفته الصابر مش غابيه فيه.

أنا انصدمت وقاعده نبحت في سعاد مش فاهمه شي.

جت قعمزت جنبي:-هذا الصابر هرب منك،هرب من قسوتك ومن جرحك سيب هله وسيب اصحابه واحبابه واقاربه وشغله.

فضل البعد على أنه يقعد قريب و يشوفك تنزفي لـ غيره.

أنا!!!!!!!!!!!!!!!!!!!!
شن قاعده تحكي أنتي؟؟؟؟؟؟؟

سعاد:-قبل فرحك بيوم جاء الصابر لطرابلس ومن يومها معش مشى لحوشه.

أنا ابتسمت من الصدمه:-حياته وهو حر فيها ما دخلني.
سعاد:-الصابر يحبك.
يحبك حبك من قلبه ويبيك.