حيـاتـي💔(مكتملة)

الـحـلـقــة 37

حياتي37

طلعت للصالة وأنا منفصله وفاقده أعصابي وجود سعاد يوتر في ويزعم في كبدي خلاص منيش متقبله منها أي كلمه.

طبعاً كعادتها طلعت وراي وشفت سعد جاي:-كنكن؟؟؟؟
شن يلي خبط توا؟؟؟؟؟

حتى حنان كانت قدام المطبخ وتراقب فينا بصمت.
أنا:-شئ.......حاجة طاحت مني.

سعاد:-لا......هي عزقت كتابه وردت على ......ليش؟؟؟؟
لأني نبي مصلحتها.....نبيها تتزوج وتستقر..وهي رافضه.

سعد بحت في سعاد بعدها بحت في:- كنك؟؟؟؟؟؟؟؟؟
من أمتى وأنتي تعصبي وتفقدي فأعصابك وتخبطي زي المكاليب...... اسمعي رجاء مش ناقصنا كل شئ جربناه منبوش نجربوا الجنون والمكاليب.

أنا تنهدت وخلاص معش عندي قابليه للكلام:-سعد.....قيس ما نبيه مش موافقه عليه.....ليش تماطل رد عليه بالرفض.
وخلوني في حالي والكلام للجميع نزوج نقرأ نموت ننحرق ننكلب أنا حرة.
سبق وأنكم في حياتي جبرتوني على حاجات وشفتوا شن صار معايا بسبب تدخلكم الدائم.
ولذلك اشقوا بحياتكم وخلوني في قرايتي وهمي.

وجيت نبي نخش داري سمعت سعاد تحكي بصوت باكي:-باه يا رجاء باه... هذا كله عشان نبي نشوفك متريحه وسعيده ونتمنالك الهناء والراحه تعصبي وترفعي صوتك عليا.
هذا كله لأني حاسه بالمسؤوليه تجاهك ونبي مصلحتك معتبره نفسي أمك مش أختك....وأنتي......وأنتي تقولي عليا هكي.

وقعمزت تبكي.........
لمحت حنان من فجعتها وصدمتها حاطه يدها على صدرها أكيد في نفسها تقول هالعائله المعاقه خالتي وهمها أرحم منهم،،،،،سيبتهم في ألف هم رديت لقيت ألف أخره.

قربت من سعاد وأنا ضميري يأنب في:- سعاد اسمعي
أنا أسفه......
سعاد قاطعتني:-لا.....ليش أسفه هذي حياتك وأنتي حره فعلاً زي ما قلتي.
وأنا تحملوني يومين بس بعدها ماشيه لطرابلس بلا رجعه.
طالما وجودي مضايقكم لدرجه تتهموا في بالقاقه.

مع خشت ابراهيم:-كنكم؟؟؟؟كنكم؟
شن في؟؟؟؟؟؟
بوي فيه حاجه؟؟؟؟؟؟
سعد:-لالا بوي كويس.
خش تعال.

جاء ابراهيم شاف سعاد تبكي:-كنك؟
وبحت في:-كنها
اسمعوا فكونا من النكد اليوم نبي ندور على القاعات كلهن ونحجز لعرسي بعد شهر.
أنا:-احللللللللللللللللف
ابراهيم:-ما نبش نكد الله يربحكم.
سعاد:-لا ليش النكد ربي يسعدكم بس أنا ماشيه لطرابلس.

وخشت تجري للدار.......
لحقها سعد ومشى وراه ابراهيم.

حنان كانت مزالت واقفه مكانها مش فاهمه شئ بحتت في ومشت خشت للمطبخ.

أنا قعمزت على اقرب كرسي وغمضت عيوني نبش نشوف الضي فعلاً سعد معاه حق أنا ما عمري كنت عصبيه نخبط بالعكس أنا بالي واسع ونتحمل في حاجات ما يتحملهن انسان واعتقد أنكم شاهدين.
ااااااااااه ياربي فرجك نبش سعاد تزعل أنا صح قسيت عليها بس هي سكنت معش عندها سيره ألا موضوع الصابر.
ااااااااه وخلاص.