حيـاتـي💔(مكتملة)

الـحـلـقــة 25

حياتي 25

سندس عصبت وقعدت تهزب:-الحقيرة هذي المنافقه،دايره روحها كويسه وهي أفعى.
تتصنت عليك وعلى كلامك،،تي هذي حتى ماما ما درتها الله يرحمها.
لا وتزيد واتهدد أخره،،ما يكفي أن ساكتين ومتحملين أن معش نجوا لحوشنا بسببها.
ما يكفي رضينا بدخولها حياتنا وحوشنا..

سعد:-الحق على أختك يلي ما عندها من العقل ذرة.
وليه كبيرة ومتزوجه وقريب تقعد أم ومزالت ما عقلت،،حذرناك قلنالك الموضوع سر بس شئ لا عقل لا فهم هكي تمام يعني؟؟؟؟
امتى تبي تعقلي بس؟؟؟؟
امتى تبي تفكينا من بلاويك احككككي.

بعد صرخ على سعد قعدت نبكي ومشيت نجري جوا ونسمع في كلامهم وهم برا.

سندس:-بشويش عليها مش ناقصها ره من وين تبي تلقاها ولا من وين.
فوق من نفسيتها التعبانه تزيدوا عليها.
سعد:-غير امتى بس يرد راجلها تي والله عليك زيجه كي قلتها بالضبط.

سندس:-ما هو كله منكم ومن دبايركم يا ما قنعناكم تأجلوا لعند ما أمه توافق،يعني هكي أحسن؟؟؟؟
كان أمه عارفه ره رجاء توا مش متشرده ره رجاء مش24ساعه عند هلها لو كان هكي ما صار معاها يلي صار وفتح فم وحده كلبه زي حنان علينا.

سعد:-باه خلاص اسكتي ونقصي صوتك وأنتي طولت لسان بلا فايدة، يعني كنا واحيين أن يبي ينجلط ولا كنا واحيين بوك يبي يتزوج.
والغلطه غلطه فتحي ره كنا ناويين ومتفقين أن يتزوجوا وبعد فترة يعلنوا لأمه مش يقعدوا هكي طول عمرهم.

وسمعته سكر الباب بككككل قوته..،
طبعاً في الليل سمعت من عثمان أن بابا طلق حنان وتريحنا منها.

مر وقت طويل وحالة فتحي تتحسن حسب اتصالاتي بفاطمه وخوتي وبوي جفوني تماماً..
قاعده غير نمشي ونجي ع المعهد.

حاااااان اليوووووم يلي يبي يروحوا فيه فتحي وهله من تركيا.

مش عارفه شن موقعي من الاعراب أنا توا؟؟؟؟؟
مش عارفه كيف نشوفه؟؟؟؟؟
صعب أنه يقدر يأخذني لحوشنا والاصعب يأخذني لحوش هله،،،مش عارفه ايش ندير....

بعد أسبوع خلاص حتى امتحاناتي كملتهن وعطلت خلاص معش نقدر قلبي نار نبي نشوفه يا ناس هذا زوجي وحبيبي وأب جنيني مريض وتعبان له شهور وأنا محرومه منه ومن شوفته.

طلبت من عثمان وسندس يأخذوني لـ حوش هلي بالك نقدر نقنعهم.
وكانت سعاد قاعده.

جيت سلمت على بابا اعتذرت منه وطلبت رضاه وسماحه.
حاسه بالذنب يمكن سبب طلاقهم أنا.

كنا كلنا قاعدين أنا والبنات والشباب خوتي وبابا،،وحبيت نفتح موضوعي.

أنا:-بعد أذنكم،،،أنا قررت نمشي لحوش هل فتحي.قبلوني أو ما قبلوني المهم نطمن عليه.
سعد:-تحكي من جدك أنتي؟؟؟؟؟
انكلبتي رسمي شكلك.