حيـاتـي💔(مكتملة)

الـحـلـقــة 24

حياتي 24

مشت حنان تبي ترقد.....

سعاد:-ااااه حتى أنا نعست،
أنا:-معقولة تبي ترقدي؟؟؟؟؟
سعاد:-ليش أنتي شن تبي اديري؟؟؟؟
حتى أنتي هيا سلم خيتي ارقدي وريحي جسمك وعقلك.
أنا:-مش قادرة والله نبي نسهر لعند ما فاطمه تحصل فرصة تكلمني.
ارقدي وهاتي البوبو دام مزال ما رقد.

سعاد عطتني النونو نجك ليا عيونه يلمعن العيل هذا مش عارفه ليش؟؟؟

يا ناس انحبه والله كأنه قطعه مني مش مجرد حب خاله لولد أختها لا في شئ حاجة اخرى.

حطيته جنبي قعد يضحكلي ونلعب فيه،،،،،وصلني مسج من فاطمه.

حطيت يدي على قلبي قبل ما نفتحه وجسمي رجف كله:-بسم الله يارب خير.

وفتحته
"""رجاء فتحي وعي وفطن،،بس ما خلونا نخشوا نشوفوه،،الحمد الله،ادعيله"""

أنا من الفرحه دموعي نزلن:-الحمد الله الحمد الله سعاد الحمدالله.

سعاد:-شن في؟؟؟؟
أنا:-فتحي ياسعاد فتحي وعى وفطن الحمدالله ياربي.
سعاد:-تكلم حكى معاهم!!!!
أنا:-لا مزال ممنوع عنهم الزيارة.
اااااه ياربي نبي نشوفه نبي نطمن بنفسي.
معقوله حياتي هذي راجلي نسمع في اخباره من الناس.
سعاد:-خلاص اصبري رب ضارة نافعة بالك مرضته هذي تحل كل المشاكل.
أنا:-بس أنا منبش مشاكلي ينحلن على حساب فتحي.
سعاد:-خلاص يا رجاء الحمدالله هو وعي وهذا مؤشر جيد وان شاء الله للأحسن أنتي ادعيله واحمدي ربك.
ورقدت.

أما أنا ضميت البوبو نجك ليا يا وجه الخير انا مسكت والمسج وصل نجك ليا يا العيون اللامعة نحبك أنا نحبك.

قعد جنبي لعند ما رقد هو ورقدت حتى أنا.
حسيت بحركة نضت لقيت سعاد تأخذ فيه.

أنا:-خليه.
سعاد:-لالا مرات يعوقك وأنتي حامل.
هيا الفجر أذن.

صلينا الفجر وردينا رقدنا.......،

في اليوم الثاني حكيت مع فاطمة صوت وعرفت منها التفاصيل قالت اليوم شفناه واعي تمام بس مش فاطن كويس يعني بين بين.
وعرفت منها أن ما يحكيش بس الدكاتره قالوا ممكن مع العلاج يبدأ يستحيب شوي شوي.

هالكلام وترني واجد وعرفت أن قعدته في تركيا امطوله وهذي سعاد تبي تمشي لطرابلس بكره ولا بعد بكره.
وهنا مش حنتريح بلا خواتي يعني صح حنان ما تكلمت بس حتى ولو.
وسندس سمطتها انا بككككل مهما كان عد.

العشيه جتني سلمى وكملت معاها وقتي فضفضتلها كل شئ.

سلمى:-ااااااخ وخلاص عليك حظ حظك يا رجو والله اسملا عليك.
أنا:-والله ننسى كل شئ بس فتحي يرد سليم معافى ويحكي لأمه ونعيش حياة مستقرة زي البشر.
سلمى :-ان شاء الله.
عارفه قبل ما نبش نجي عشان خوك التافه هذا.
أنا:-ليش؟؟؟؟؟؟
سلمى:-متعاركين منبش نصادفه.
أنا:-لالا ابرهيم وسعد معش هنا توا مستقلين برواحهم.
سلمى:-هي عارفه،،،تعرفي أنه طلب أن نتلاقوا نجيه في الحوش وقت الجامعه من الثمانيه للثلاثه .
ولا ننهوا العلاقه.
أنا عصبت:-التافه الحيوان هذا.
سلمى:-تي بلاوي خوتك يا رجاء سعد هذا يجيب حتى في متزوجات ومطلقات وبنات للحوش متاعهم.