حيـاتـي💔(مكتملة)

الـحـلـقــة 8

حياتي 8

بس سلمى واخذه على الحرية بكيفها تلبس تاكل تطلع تمشي تخش.
حتى أنها تبي تتعلم السواقه.

ماما:-أنتي ما دخلك هذين امور يحلوهن بينهم.
يلي عليك بس يوم نمشي نطلب تمشي معايا لأنها صاحبتك.

مش عاااااااارفه ليش لما قالت تمشي معايا جن في باااااالي عررررم افكار نقابل بيهن الصابر.

سكتت فجأة وهديت فجأة.

ماما:-ما تقوليش أنك غرتي وانقهرتي منها؟؟؟؟؟

أنا انصدمت:-نغار من صديقتي واعز من خواتي؟؟؟؟؟؟
شن تشوفي فيا ؟؟؟؟؟؟؟
راكي غالطه في النمره الحسد والغيره عند سندس مش عندي..

وعزقت المناديل من يدي ومشيت لدارنا وسيبتها...

لقيت سندس قاعده تكوي في دبش ما حكيتش معاها الصراحه حتى كان ماهيش غلطانه أنا دارها كبدي منها ما عنديش نية نشوف خلقتها بكككككككل..

قعمزت ع السرير.

سندس:-بكره عيت عمي يبو يجو يحددو موعد الفرح.
هييييبيي سمعتيني.
رجااااااااااااااء؟؟؟؟؟؟؟؟؟؟؟

أنا:-كنك؟؟؟؟؟؟؟؟
سندس:-قتلك بكره عي
أنا:-باه مبروك.
سندس:-وكنك تقولي فيها هك.
أناعصبت:-تبي تطلعي من راسي ولا لا؟؟؟!؟؟

سندس خافت مني وسكتت.
الحمدالله أني هذاك اليوم عطيتها هذك الطريحه صح خسرت نقالي وخذيت طريحه،، بس ع الأقل خليتها تخاف مني واديرلي في ألف حساب وتهاب فيا.
أصلا في ناس ما تجيش الا هكي،، اختي ونعرفها.

قاعده طول الليل في سريري ونبكي نيتي منسده لا تعشيت لا طلعت ودموعي ما وقفن دارن بحر على مخدتي.....

الله يسامحك يالصابر ما لقيت الا سندس تحكي معاها.
من عازة البنات خلااااااااااص.

يعني هكي تمام نخسروا بعضنا.....

جت سعاد ووراها ماما وسندس.

أنا:-كنكن؟؟؟؟؟؟؟
سعاد:-أنتي كنك؟؟؟؟؟؟
شن تبي اكثر من انك ناجحه ممتاز احمدي ربك.
أنا:-الحمدالله.

ورديت رقدت.
سندس:-سمعتي ابراهيم يبي.....
انا:-سمعت.
سندس:-تهبل سلمى ولا شن رايك؟؟؟
أنا:-كان ما تهبل ره مش مصاحبتها.
سعاد:-عقبالك.
ماما:-ان شاء الله ربي يفرحني بيها.

أنا حسيت بنبرات شفقه قعمزت بسرعه انا على استعداد نتحمل كل حاجه الا الشفقه.

انا:-عليش جايات هنا؟؟؟؟؟؟؟؟؟
نبي نفهم.

سعاد:-نهدرزو بس شن ممنوع؟؟؟؟؟
أنا:-معنديش نية للحكايات نبي نرقد هيا طفن الضي في طريقكن..

سمعتهن طلعن بس حسيت بحركة معايا في الدار،،تلفتت شفت ماما.

ماما:-ارقدي.
أنا تقعدت:-قصدك قاعده هنا ما طلعتي عشان شاكه فيا.
خايفه مني نقعد مزلت نكلم في الصابر.
خايفه على مشاعر سندس ومش خايفه على مشاعري.