حيـاتـي💔(مكتملة)

الـحـلـقــة 33

حياتي33

و تلفتت فجأة:-ووووينه سعد؟؟؟؟
ابراهيم:-مركب تغذيه.
أنا انفجعت:-كنه؟؟؟؟؟؟؟؟؟
مش عاجبني وضعه.
ابراهيم:-مش عارف من اول ما طاح بوي عليه هذك اليوم ووضعه مش تمام اكيد من الفجعه.
أنا:-الفجعه مش ساهله وتسبب حاجات شينه يا ابراهيم.
وقعدت نبكي..

ابراهيم عصب وحاول يواري ملامح وجه المتنرفز عالناس:-و ايش يدير ابراهيم يقطع روحه مليار قطعه ويقعد فاطن للجميع.
أنا:-لازم نوصوله على امية رقية تهدي روعه.
توا نقولها لـ عثمان.

ووقفت نمسح في دموعي:-توا نمشي انمر على سعد نبي نطمن.
ابراهيم:-والله ما عجبني وضعك تبرمي جاي وغادي والدنيا زحمه.

ووقف مشى معايا وصلني لـ باب الغرفة و رد لبابا.

خشيت بسرعه لقيت سعد متمدد والتغذيه مغروسه في وريده،،وجنبه البلوه يلي باليني بيها ربي قيس.

بس منقدرش نطلع لازم نشوف سعد ونتجاهل هذك،قعمزت جنبه.

أنا:-سعد.
سعد كان مغمض عيونه بس آن بصوت واطي دليل أنه سمعني.

قيس:-خليه راقد،،ما توعيه.
أنا بحتت فيه نظرة قرف ونفاذ صبر.

ورديت مسكت يد سعد وشديت عليها بـ قوة:-سـ سعد
رد عليا يا خويا.
قيس سحب يد سعد مني وقال بعصبيه:-قتلك خليه راقد الراجل مريض.
سيبيه يتريح.

أنا عصبت عليه معش قدرت نتحمله:- شن دخلك أنت؟؟؟؟؟
بيني وبين خوي ما دخلك.
وأصلا شن ادير هنا،أنت غير مرحب بيك بينا.
براااااااااااا.

قيس قرب مني  وحكى بشكل نرفزني:-جاي لـ صاحبي مش جاي لـ خلقتك.

أنا من شدة عصبيتي صرخت ونسيت نفسي أني قاعده بين ناس مرضى كلهم:-اطلع براااااا براااااااا.
حيواااااااااااان.

وفجأة كل يلي في الدار يبحتو فينا وبـ خاصة في.

وجاء دكتور قرب منا:-اطلعوا أنتوا الأثنين.
أنا بحتت في الدكتور:-بس يا دكتور نبي نطمن على خوي.
الدكتور:-براااااا خوك كويس لو معش تجيه.

وقف قيس طلع ووقفت انا طلعت مكسوفه من كلام الدكتور،،والله مش عوايدي ننطق بكلام بذئ وأنتم عارفيني وعارفين حجم صبري.
وعارفين أن صمتي اكثر من كلامي.

طلعت لقيت قيس برا مبتسم وعاض على شفايفه بدليل أنه ماسك ضحكته بصعوبه.

أنا ودموعي ينزلن ومعصبه ونحاول يكون صوتي واطي واقرب للهمس:- فعلاً أنك انسان تافه وحقير.

وهنا تماماً انفجر قيس من الضحك.

مشيت وسيبته هو أصلاً شامت فيا لأن الدكتور هزبني قدام الجميع و حرجني،،،،وأنا فهمت سياسة قيس الجديدة يبي ينرفزني ويخليني نفقد أعصابي.