حيـاتـي💔(مكتملة)

الـحـلـقــة 3

حياتي 3

أنا:-كويسه الحمد الله،،اليوم بعد جيت من المدرسه
سلمى:-باه كيف مازالت ما حملت لعند توا؟؟؟؟
لها سنين متزوجه.
أنا استغربت:-حكمة ربك.
تكره تكون أم يعني؟
سلمى:-كلا أنتي وخواتك عليك حظوظ حظوظكن.
أنا:-شن قصدك؟؟؟؟؟
سلمى:-قصدي تقول حد داعي عليكن.
وحده عاشت ثلاث ارباع عمرها مريضه من مستشفى لمستشفى ومن شيخ لشيخ خسرت قراياتها بعد كانت امتياز ولما فرج عليها ربي وتزوجت تزوجت بعيد وياريته بس دارت عويله.

أنا تفاجأت وعصبت من كلامها:-تي قولي خير ربي توا يعوضها،،بعدين خذاته عن حب زوجها ما كانت مجبورة كانت راضيه بالبعد.

سلمى:-والثانيه من علاقه لعلاقه لطريحه لنقال لعلاقه لكبسه لتبطيل من المدرسه وفي الأخر باعوها ما طاحت ألا في الكذاب وخوه.

أنا:-لاحول الله ياربي،،،باه وبعدها؟؟؟
سلمى:-وانتي هبله ونايضه تقهرررري يكره الواحد يقعد معاك ماعندك سيرة فيت القرايا والامتحانات والواجبات ممله ما فيك جو ماني عارفه كيف متحملتك.
أنا ضحكت من جدي ومن قلبي على برائتها وصراحتها-هههههههههههههههههههههههههه.

هي فعلاً كلامها قاسي وصريحه درجه الوقاحه بس صديقه حقيقيه مستحيل تبيعني مهما صار .
وغير هكي نحنا صحبات من زمان وأنا خذيت على طبعها..

وقفت:-انا الغلطانه طلعت من مرقدي الدافي وجيتك يالجربه.

وعزقت فيها المخده وطلعت.....

جبت معايا قهوه وكيك دايرته سعاد..

سلمى:-نقدر نشوف سندس؟؟؟؟؟
أنا:-العيال حذروني معش نخلي حد يخش عليها.
سلمى:-بس حرام هي توا في حاله صعبه وتبي حد يوقف معاها مهما كان سندس صغيره..
أنا:-خلاص اصبري يطلعوا الشباب توا نخششك عليها.
سلمى:-تمام.

مر اليوم عادي،،،في الليل كنت في سابع نومه سمعت عياط وصريخ.

نضت مخلوعه وطلعت نجرررري من داري زي المجنونه للمكان يلي فيه الصريخ.
لقيت بابا وماما وكلهم واقفين ومنصدمين وسعاد طايحه بينهم فوسط بركة دم.

مشيت أنا مع ماما وبابا للمستشفى ولحقنا سعد أما ابراهيم قعد مع سندس..

ما تجرأت نسأل كلهم كانوا منصدمين وامي دموعها ملوا وجهها...

قعدنا برا وطولت الدكتورة ما طلعت.

أنا:-ماما شن في بالضبط؟؟؟؟؟؟؟
ماما:-اختك
وقعدت تبكي.
أنا رجليا نملوا :-كنها كنها؟؟؟؟؟
ماما:-كنا نحكو مع بعضنا تمام التمام فجأة جتها حالتها يلي كانت تجيها زمان وقعدت تصرخ وتعيط وتجري جاي وغادي وتضرب في روحها..

أنا تعقدت قبل تريحنا من هذك الحاله عليك قصه يااااربي.

طلعت الدكتوره:-المريضه حالتها كويسه بس يعوضكم ربي في الجنين.