حياتي38
قمت بواجب التعزيه بعدها معش مشيت نبي نجهز لامتحاناتي نبش نرسب ونخيب...قصدي ونخيب أملي..
سعاد كانت تلح تبي تمشي لـ حوشها واتجي قبل الفرح.
أنا:-شن قصدك؟؟؟؟؟؟؟
تبي تمشي وتسيبي مسؤولية الفرح في وجهي وأنتي عارفه امتحاناتي ع الأبواب.
سعاد:-باه وأنا نبي حوشي وراجلي نبي نستقر شوي،،وينها عمتي سكينه تجيك تونسك.
واهي حنان قاعده مش حـ تقصر.
أنا صرخت فيها:-من جدك أنتي؟؟؟
حنان تمشي للسوق!!!
وبابا من يقعد معاه؟؟؟؟؟
سعاد:-لا حول ولا قوة ألا بالله،،
أنتي مش قاعده.
أنا ابتسمت بيأس وقعمزت:-تمام أنتي حرة مربوحه.
سعاد قعمزت:-كنك زعلتي؟؟؟
أنا:-زعلت لأنك ما تفهميش علي نقولك نبي نتفرغ لدراستي أنا منتسبه وما عنديش فكرة على المنهج نبي نقرأ لازم نبذل مجهود كبير.
حنان تهتم بـ بابا ما تقدرش تمشي.
تبي تمشي عدي،،توا ندير رأي.
لطالما كنت مش متكله على حد في شئ.
ووقفت نبي نطلع،،سعاد وقفت وراي ومسكت معصم يدي،،،تلفتت.؟؟؟؟؟
سعاد كانن نظراتها عميقه:-كنك؟؟؟
شن فيك؟؟؟؟؟
أنا:-والله ما يحق لك تسألي سؤال زي هذا وأنتي عارفه كل شئ .
سعاد هزت راسها بالنفي:-في حاجه أنا متأكده.
أنتي لك فترة متغيره متوتره في حاجه واخذه تفكيرك ومخليتك ما تبش تحكي مع حد كلما يجيك حد تعصبي.
من أمتى أنتي عصبيه؟؟؟
أنا:-الدراسه والامتحااانات وبابا والعرس كلهن.......
سعاد هزت راسها اخره:-ردي بالك...... اصحي.....ردي بالك تحاولي أني نصدقك من طول عمرك تقري ما عمر الدراسه سببت لك توتر.
سامحيني بس أنتي تكذبي.
أنا اوووووووف:-ضيق يا سعاد حاله هكي ليا زمان صلاتي بسرعه وما نفضش نقرأ قرآن نفسيتي تعبانه .
سعاد بحتت في نظره طويله وعميقه ووقفت وطلعت.
مشيت نجري سكرت الباب وقفلته وراها وقلبي يدق وجسمي يرجف كني أنا ياربي؟؟؟؟؟؟؟؟؟
ليش هكي صاير معايا؟؟؟؟؟؟
مرن أيام وأيام سعاد قاعده تجهز للفرح بمساعدة اعميمه سكينه وأنا كملت امتحاناتي.
وسندس وعثمان جو من مصر وقالوا مسألة وقت سندس كانت سعيده والأمل يشع من عيونها.
كنت قاعده في الحوش ماسكه لؤي بينما سندس وسعاد في السوق رن موبايلي.
"""""فاطمه"""""""
شن تبي زعما؟؟؟؟؟؟؟؟؟؟؟
ليا وين عليهن من أول ما توفت أمهن معش عندي بيهن أي اتصال؟؟؟؟؟
أنا:-ايوه اهلين فاطمه
فاطمه:-رجاء شخبارك؟؟؟؟
أنا:-تمام التمام وأنتو؟؟
فاطمه:-الحمدالله على كل شئ.
بس الفقد واعر.
وخنقتها العبره.
أنا:-عارفته.....ما يستحق تقوليلي حاسه بيك.
أم وزوج وولد.
فاطمه:-الأمانه.....فتحتي أمانة ماما.
أنا رنت في وذني نذكر أنها لما عطتها ليا في المستشفى دسيتها في الشنطه وجيت حطيتها في دولابي تحت كومة دبش وراحت من بالي.
أنت تقرأ
حيـاتـي💔(مكتملة)
Romanceللكاتبة سمية الدرناوي باللهجة الليبية...تحكي عن بنت عاشت حياتها ظلم وتموت امها وتنجبر ع عريس ماتبيهش ويصيرن معاها احداث واااجد ومشوووقه.. رواية رووووعه ومن اجمل الروايات اللي قريتهن ❤
