حياتي 13
أنا شهقت:-تي شن هذا ؟؟؟؟
شن كلامك هذا؟؟؟؟؟
أنا نهرب؟؟؟؟؟؟؟
انا ندير العار؟؟؟؟؟
هذا حب هذا؟؟؟؟؟
الصابر:-مش عار انا نبيك بشرع الله نبيك حلالي نبي نتزوجك.
أنا:-انت الكلام معاك مضيعة وقت، عايش في الأوهام والأحلام.
وأنا وحده ظروفي صعبه ما قبل حصلت فرصه نقرأ وصراحه نبش الفرصه تضيع بسببك.
سلام.
ومشيت ع السريع،،،،،،،،كملت اليوم قلبي يدق وجسمي يرجف نحضر في المحاضرة وخايفه وخاطري مجروح متحمله ماسكه دموعي بالغصب .
طلعنا من المحاضرة لقيت فتحي يستنا فيا ركبت.
الحافلة كانت مليانه بنات،،،طولنا ونحنا نبرموا في الشوارع وانزلوا في البنات.
البنت يلي جنبي ما نعرفه قالتلي:- أنتي رجاء؟؟؟؟
أنا:-اها من أنتي؟؟؟؟؟
هي:-أنا نقعد صاحبة سلمى معاها في الجامعه،،،وصتني نبلغ السلام.
أنا:-شن اخبارها؟؟؟؟ شن دايره؟؟؟؟
هي:-كويسه.
وعطاتك الرساله هذي .
ما قدرت نصبر وفتحتها.
""سلام،،الى صديقتي العزيزة المخلصه رجاء،،كيف حالك؟؟؟؟؟
رايفت عليك واجد،وحمدت ربي أني لقيت طريقة نوصلك بيها نطمنك ونطمن عليك،،لو خاطر عليا خوك يحرمنا من بعضنا ره وافقت خسارتك مش ساهلة،،،،سمعت انك تقري والله فرحتلك ربي يوفقك ويسعدك والف مبروك فرح سندس وعقبالك ربي يسعدك،،،طمنيني عن صحتك عن وضعك عن جديدك،،،،،انا هذاك الشاب يلي تعرفت عليه العام يلي فات خطبني من شهرين وفرحنا بعد ثلاث اسابيع وهذا الموعد والمكان """""""""" ياريت تحضري فرحتي ما تكمل الا بوجودك..ما تنسي دزيلي رساله"""
سكرت الرسالة ودموعي ينزلن شفت أن الحافله شبه فضيت مزال الا وحده او اثنين...
لف فتحي نزلهن معش في ألا أنا.
فتحي:-رجاء كنك؟؟؟؟؟؟
في حد مضايقك؟؟؟؟؟؟
أنا:-لا لالا أنا بخير.
فتحي:-مش باين،، قوليلي كنك تبكي سرك في بير؟؟؟؟؟
أنا:-صدقني ما في شي،شوية ضغوطات نفسيه.
فتحي:-ان شاء الله خير.
على فكرة يا رجاء أنتي مش اول بنت امها تموت،،وهذا اختبار من اللّه.
ادعيلها بالرحمه.
صح الفقد مر ومش ساهل بس اللّه غالب.
يعني صعبه لا تلقي لمن تشكي لا لمن تحكي،،انتي ادعيلها .
أنا قبل قاومت بس للأسف الشديد انهارت قوتي وقعدت نبكي.
أمي سبب من الأسباب لا وسبب كبير بس في غيرها اسباب واجد.
فتحي حس أن الجو تحت الصفر لذا سكت وخلاني ناخذ راحتي.
لما قربنا.
فتحي:-تقدري تنزلي ولا نبرم بيك لين تهدي؟؟؟؟
انا:-لا نزلني.
قربنا للحوش انا نزلت وسعد طلع من الحوش سيبته مع فتحي وخشيت.
جيت لداري بدلت دبشي وصليت العصر،،،
جاني ابراهيم:-نحنا مزلنا ما تغدينا.
أنا:-حاضر توا جايه للمطبخ.
ابراهيم:-سعد مسك فتحي للمربوعه ديري حاجه كويسه وكان في شي ناقص قوليلي.
أنت تقرأ
حيـاتـي💔(مكتملة)
Romansaللكاتبة سمية الدرناوي باللهجة الليبية...تحكي عن بنت عاشت حياتها ظلم وتموت امها وتنجبر ع عريس ماتبيهش ويصيرن معاها احداث واااجد ومشوووقه.. رواية رووووعه ومن اجمل الروايات اللي قريتهن ❤
