حيـاتـي💔(مكتملة)

الـحـلـقــة 17

حياتي 17

ابراهيم:-باه باه.

نقص صوت التلفزيون وخذا موبايله..
بعد ثوووووواني.

ابراهيم:-مرحبتين مرحبتين
الحمدالله بخير والله
كيف حالك أنت؟؟؟؟؟
هههههههههههههههههههه لا رسمي من هل اجدابيا.
ههههه ياريت كان سماح باه ههههه
اها لا بخير والله
قتلك هذي رجاء موبايلها عطل،، اليوم جتها صحبتها قالتلها القرايا بدت تبي تستأذنك تمشي.
اها لها أسبوع.
باه.
لالا باه بينكم براحتكم.
لا اوك تمام.
لالا والله بالعكس احسن.
تبقى طيب.
سلاااااااااام.

أنا!!!!!!!!!!!!!!!!!!!!!!!!!!!!

إبراهيم:-كنك تبحتي في ببلاهه؟؟؟؟
أنا:-شن صار؟؟؟؟
إبراهيم:-مابش قال خليها لييين نجي أنا.
أنا:-بس الدراسه لها اسبوع باديه..لما يجي هو تقعد لها اسبوعين هذا كان وفى بكلامه أصلاً.

إبراهيم:-مش شوري أنا هذا كلام راجلك قال لا يعني لا.
حلي عني توا خليني نتفرج.

مشيت لداري.
يا نعلاااااااي ياربي مبردك راجل لا دز سلام.
لا قاله عطيني نحكي معاها.
تي أنا متزوجه راجل؟؟؟؟؟
ولا دولاب؟؟؟؟
يعطيك دعوة منك لابراهيم للقرايا للعيشه السوده النوده هذي كلها ياربي.

والله ما عندي حل في حياتي وأيامي ألا ندز على سعاد.
لا والله مستحيل سعاد تجي ما مشت ألا من كم يوم وولدها صغير وعيت عمها فرحانين بيه والله ما يطلقوها.

وهذي سندس كارهه الحوش مش حـ تجي.
يا نعلي يا حظوظي السود النود.

مرن كم يوم وأنا من الدار للصاله للحمام للمطبخ لا نخش لا نطلع لاحد يجي لا شئ.

تي حتى الموبايل يلي هو رحمه من ربي مشيت كسرته.
ااااااااااخ والله تعبت يااااااربي.

كنت مكسده لما دق الباب وفتحت.
كانت اعميمه سكينه.

سكينه:-صار هنا انتي؟؟؟؟؟
من امتى؟؟؟؟؟

أنا:-من اول ما جابت سعيده.
سكينه:-من جدك أنتي؟؟؟؟؟؟؟؟
لك وين هنا!!!!!!!!!!
ليش تتزوجي وأنتي تبي حوش هلك.
بعدها مزلتي عروس عيب راه.

أنا ارتبكت:-ما أنا هنا لأن فتحي مش قاعد ونقدرش نقعد بروحي.
سكينه:-وينه؟؟؟؟؟
انا:-في اجدابيا مع امه.
سكينه:-ان شاء الله ما تروح منها.

أنا مسكت يدها:-لا ياااااربي لا ارحمبيك ما تدعيش عليها فتحي معاها.

سكينه:-نحكي عليها هي.
أنا:-ربي يحميه ويوصل بسلامه.
سكينه:-شن وضعك معاه.
أنا:-لما كنت معاه تمام.

وفجأة انفجرنا أنا واعميمه من الضحك ع الجملة ههههههههههههههههههههههههههههههههههههههههههههههههههههههههههههههه

كانت عفوية بس صادقة..

أنا:-بس يا اعميمه الحق قاتلني الملل والكساد.
سكينه:-دراستك اكيد بدت عدي.
أنا:-فتحي قالي ما تمشي الا لما نروح.
سكينه:-لما يروح وتنشعلي بحياتك و دراستك تنسي الملل.
على فكرة لقائنا هذا صدفه كنت نحساب بوك والعيال برواحهم نبي نضم الحوش ونطبخلهم بس طالما أنتي قاعده تكفي وتوفي.