حيـاتـي💔(مكتملة)

الـحـلـقــة 30

حياتي30

خشينا للحوش هو راقيله مني وأنا راقيلي منه شعور متبادل،،مشيت خشيت لـ داري قفلت الباب.

عزقت شنطتي ومذكراتي وقعدت نبرم متوترة مش عارفه شن ندير دمي محروق واعصابي مش قادره نمسكهن.

شن ندير بس؟؟؟؟؟؟؟
اكيد في حاجة نقدر نديرها.
بس شن؟؟؟؟؟؟
شن ياربي؟؟؟؟؟؟؟

نتصل بأنوار نمسح بيها الوطا؟؟؟؟
لالا فكرة غبية أنوار مش عارفه شئ شن ذنبها لالا مش رأي هذا.

نتصل بـ سلمى؟؟؟؟؟؟
اها نتصل بـ سلمى،بس ما نقدرش نحكيلها كلام ابراهيم.

ما لقيت روحي ألا متصله بيها حكينا عادي واطمنا على اخبار بعضنا.

بس في شئ!!!!!!!!!!
لما سألت سلمى على اخبارها مع ابراهيم قالت تمام.
لا وفوق هكي قالت من ثواني كنت نحكي معاه و حكالي على مرضتك؟؟

شن هذا؟؟؟؟؟؟؟؟
مكسد عليا ابراهيم ولا كيف؟؟؟؟؟

وحبيت نأكد اكثر وسألتها على مشاكلهم قالتلي لنا وااااااجد متفاهمين ومافيش عرايك.

هو تغير للأفضل وأنا غيرت من نفسي وتخليت عن مراهقاتي عشان خاطره.

وحكتلي أنه يبي يأخذني نجيبوا ذهب ؟؟؟

سكرت منها وراسي صدااااع،أنا من كل قلبي فرحانه أن وضعهم تمام.

بس خايفه يكون ابراهيم مكسد على سلمى،وإلا ليش يحكي على أنوار ومعجب بيها.

العشيه جهزت روحي نبي نمشي لدرس الخياطه،طبعا كان جوي مع ابراهيم مش تمام،وسعد مش قاعد،لذلك مشيت بروحي على رجليا.

كان سكن المعلمة شقه في الدور الأول فوق،،خشيت للعمارة وأنا في نص الطريق شفت قيس مقعمز ع الدروج.

درت روحي ما شفته،،معقوله يسكن هنا؟؟؟؟؟
ولا صدفه؟؟؟لالا لا يمكن تكون صدفه.

كملت طريقي وهو مشى وراي ونسمع فيه:-رجاء رجااااء رجااااااء.
ارجوك لحظه.
لو سمحتي يا ابله دقيقه.

وقفت وأنا معطيته بـ ظهري وخاطري نعطيه كف يقطعله راسه.

قيس:-اسف سامحيني.
أنا:-معش تعترض طريقي ولا تطلع قدامي ومعش تخليني نشوفك وهكي حـ نسامحك..

قيس:-باه كان قلتلك أني نحبك.
ونبيك بالحلال.

تلفتت وبحركه عفوية عطيته كف لأن كلامه حقير ووقح بعد كل شئ داره جايه بالبراده يعتذر ويبي يفتح مجال للحكايات معايا.

سيبته منصدم وكملت طريقي بـ سرعه جيت للمعلمه داهشه طولت وأنا نلقط في أنفاسي.

طول وقت الدرس كان عقلي مش معاها كان مليان كنت متلخبطه مش عارفه شي ومش فاهمه شئ.