حيـاتـي💔(مكتملة)

الـحـلـقــة 7

حياتي 7

وخذا سندس من حضن ماما وعطاها طريحه معتبره حتى هي،،،،،،

وطلع وسيبنا نتابكوا نحنا الثلاثة،،،،،

ماما:-الله لا يسامحك الله لا يسامحك لا دنيا لا اخره يا غضيبه يا رجاء.
كان متت راني غاضبه عليك دنيا وآخره.

وأنا كنت قاعده ع الأرض ونبكي الوضع مزري لأبعد الحدود ما توقعت هاليوم هذا يكون بالسوء هذا.
توقعته يكون اسعد يوم في حياتي طلع اسوء يوم في حياتي وحياة اختي وماما وكل هل الحوش.

ماما مشت تجري جابت مناديل واميه وعطت سندس تشرب وقعدت تمسحلها في الدم يلي طالع من خشمها وتهدي فيها.

كانت تبكي ومغمضه عيونها وما تبش تبحت في.
كااااااااااااانت خاااااايفه مني موت.

ماما كانت اطبطب عليها وتدعي عليا كأن هي بنتها وأنا لا.

كانت مقتنعه مليون في المية أني أنا كنت عارفه وخنت أختي.

شن يقنعها هذي؟؟؟؟؟؟
شن يغيرلها رايها؟؟؟؟؟؟؟

مر هذاك اليوم ببطء غريب عجيب أنا وسندس محبوسين في الدار ما نقدروش نطلعوا وكل وحده منا قاعده على سريرها وتبكي.

وأنا خلاص من الضيق نبي ننفجر من وين نبي نلقاها ولا من وين؟؟؟؟

نبي نطمن ع الصابر شن صار معاه شن دار فيه سعد ولا هو شن دار في سعد؟؟؟؟؟؟
بس كيف والنقال اطرطش زي ما قلبي اطرطش وخاطري اطرطش.

نبي نحكي نبي نبكي نبي نصرخ نبي ماما تفهمني وترضا عليا نبيها تعرف أنها ظلمتني.

ااااااااه ياربي اااااااه فرجها.....

سندس تحكي مع خطيبها كأن ما في شئ صاير نسمع فيها تحلف أن ما في شئ وهو مش مصدق،،لأن باين أن في شئ في صوتها...

مره مره نندم أني ضربتها أول مره في حياتي نضرب وننضرب اليوم.

ما عمري في حياتي مديت يدي على حد ولا حد مد يده عليا ألا اليوم.

بس لما نفكر شويا نقول لا باه يلي ضربتها عشان تلزم حدودها وتحترم نفسها وتعرف أنها لو حاولت ادير شئ مش.حنسكتلها.
لأني مش غلطانه وربي عالم.

الليل ما رقدته،،،هي سندس سهرت حكت مع خطيبها بعدها رقدت.

اليوم الثاني جت سعاد نسمعوا فيها تسلم ونحنا مرايفين عليها نبو نطلعوا بس طبعاً ما نقدروش...

بعد وقت طويل جت سعاد طبعاً لأن ما جينا سلمنا كانت متوقعه أن مرقدين.

خشت هي ووراها ماما سعاد شهقت:- خزي يا واطيات قاعدات واعيات وما تجن تسلمن علي.
خسارة فيكن يلي يرايف عليكن.

وقفنا نحنا الأثنين وسلمنا عليها..

سعاد استغربت بحتت في ماما وفينا:-كنكن؟؟؟؟؟؟؟