حيـاتـي💔(مكتملة)

الـحـلـقــة 40"الاخيرة"

حياتي 40

لما لمست يده رعشت يدي وطاحت الإبرة....

أنا كانت الحرارة عندي راقيه:-أسفه
أسفه دكتور نجيب.

نجيب مسك الابره وعزقها في السلة :-عادي
بس كنك؟؟؟؟؟؟؟؟؟
ليش وجهك احمر..........الموضوع عادي على فكرة.

أنا حسيت أن الدار معش فيها هواء وعيون نجيب محاصراتني ويراقبن في.
لفيت وطلعت بــ خطوات سريعه.....
كان في كشك صغير في مقدمه العيادة مشيت خذيت عصير برتقال طبيعي نبي نروق.

وقعمزت............حسيت روحي رقت شويا العصير مصقع حول الحرارة والجو كان حلو وفي ريح خفيفه بردت عليا.

وقعدت نراقب في المكان الله العيادة جميلة أنا مزلت ما شفتها بالكامل بس الديكورات مذهله...
في اثناء ماعيوني كانن يتجولن في المكان شافن وجه قاعد في الروشن.

كان قاعد يراقب في ومبتسم....على طول باعدت انظاري عنه وكأن ما في شئ..

جيت روحت للحوش لقيت سعاد في وجي......فرحت بوجودها من جهة ومن جهة لا .
أنتو عارفين أنها تنق واجد وأنا الجو هذا ما نحبه.

سلمت عليها وهدرزنا شوي واستأذنت منها ادوشت ورقدت.....،

كنت راقده في سابع نومه ونحلم في حلم حلو نذكر أني كنت فرحانه بس ما نذكر التفاصيل.

نضت على صوت حنان.
أنا:-اووووف حنان ما نبش شي خليني راقده.
حنان:-في وحده تسأل عليك وليه تعالي سلمي عليها.
أنا قعمزت بسرعه:-من؟؟؟؟؟؟؟؟
تعرفيها؟؟؟؟.؟
سعاد عرفتها؟؟؟؟؟

حنان هزت راسها بمعنى لا.
أنا:-تمام نونا عدي أنتي أنا نغسل وجهي ونلحقك.

مشيت غسلت وجهي ولفيت شعري ودرت شوي لمسات عشان ما يبانن آثار النوم وطلعت.

لقيت وليه قاعده مع سعاد وحنان في الصاله ما عرفتها حقيقة.ً.
ولا عمري شفتها...مستحيل نكون شايفتها وناسيه ذاكرتي مش ضعيفة لدرجه هذي.

لما شافتني وقفت:-أنتي رجاء.
أنا قربت منها سلمت عليها وقعدنا كانن حكايات عاديه واكثر شي كانت تحكي على مواضيع عادية.

استغربت من الضيافه والجو يلي يجيبن فيه حنان وسعاد.....

بعد طول احاديث عاديه قالت:-أنا صفيه أم الدكتور نجيب......حب أني نجيكم ونتعرف عليكم.
داير صحبه مع خوتكن ويحكي عليك قلت نجي نتعرف ونكسبوا شوفتكن.

كانن حكايات عاديه تعرفت علينا و حكت حاجات عليهم اغلبهن كنت عرفتهن من نجيب.

وبكل سهولة مشت.....الحقيقة خيبت ظني وأملي توقعتها جايه لشئ احسن وأهم من هك.

قعدت في الصاله مقعمزه في مكاني ووجهي كئيب.

سعاد:-كنك؟؟؟؟؟
تعالي ضمي الحوسه حنان بابا نادالها وأنا مريضه.