حيـاتـي💔(مكتملة)

الـحـلـقــة 32

حياتي32

كنت في حالة ذهول وتعجب من كلام اعميمه صدمات متلاحقه شن هالبلاوي هذين ياربي؟؟؟؟؟؟

ما فطنت من صدمتي الا على صوت سعاد:-ااااااه
اه

انفجعت انصدمت تلفتت شفت سعاد تتأوه وسندس ما سكتها،،مشيت نجرررررري وجت اعميمه واجديده.

مسكنا سعاد وساعدناه بش تقعمز.

اتصلت سندس بـ عثمان جانا وخذينا سعاد للمستشفى مشينا معاها أنا واعميمه.
سندس قعدت مع اجديده.

سعاد مع الدكتوره جوا وأنا برا نبكي ونعيط.
لا يااااااربي الا سعاد الا سعاد خوذ كل شي الا سعاد.
سعاد هي أمي بعد أمي،،،لا ياااااربي احفظها واحفظ جنينها.
يااااااربي.خوذني قبلها.
يارب ما ترزيني فيها.

اعميمه ماسكه يدي واتهدي في:-ان شاء الله خير،ان شاء الله خير.

كله مني أنا عارفه كله مني.
يارب يارب.

طلعت الدكتوره جيناها نجاروا .

أنا:-ها طمني؟
الدكتوره:-لا الوضع طبيعي والجنين وضعه ميه ميه.
بس ضروري من الراحة هي حامل و حملها واعر يبدولي.
لذلك وفرولها الراحه النفسيه والجسديه،،والتغذيه المتكامله.

خلوها تلزم الفراش لمدة اسبوع وما توقفش الا على الاشياء الضروريه الحمام او الصلاة الراحة مطلوبه.
و توا نوصفلها على علاج احرصن على انها تأخذه بانتظام.

أنا على طول سجدت سجدة شكر وسط المستشفى ما اهتميت بالناس والزحمه.
من كثر فرحتي نزلن دموعي،،خشيت نجري على سعاد.

بعد شافتني ابتسمت وحطت يدها على راسي:-فجعتكم؟؟؟؟
أنا نزلت يدها ومسكتها:-كان ما انفجعت عليك على من ننفجع؟؟؟؟

بعد فقدت أمي وراجلي وولدي معش عندي في الدنيا أغلا منك.
أنتي مش بس اختي أنتي اختي وامي وصديقتي انتي اقرب حد لقلبي وعقلي.

سعاد شدت على يدي بقوة:-لا في ،في اغلا مني ومن كل حد.

أنا ابتسمت فكرتها تقصد لؤي ولدها الصغير:-لؤي قطعه منك اكيد نحبه قد ما انحبك.
سعاد خبطتني على راسي بالراحة:- تي أي لؤي نحكيش على لؤي.
نحكي ع الصابر يا عمري.

أنا ابتسامتي اختفت وحسيت بمرارة في ريقي وحتى عيوني امتلن دموع بس مسكتهن منعتهن.

خشت اعميمه وجت جنب سعاد،وأنا لقيتها فرصه مناسبة طلعت للحمام.

مخنووووووووووووووووووقه.
عمركم جربتوا احساس انك تنخنق لدرجة يجيك احساس ان الاكسجين نقص.

خشيت الحمام وعطيت للمجال لدموعي ينزلن،،نززززلن بقوة وغزارة وحرية.
ياريت نقدر نفتح دماغي نحذف منه الصابر،،ياريت نفتح كتاب حياتي نحذفه منه.
ياريت نقدر نتماسك لما حد يجيب سيرته.