حيـاتـي💔(مكتملة)

الـحـلـقــة 36

حياتي36

طلعت من دار بابا بعد ما قعدت جنبه لعند ما هدا ورقد ،،

لما طلعت رأسي برم طحت على ركابي حسيت بدوخه بس ما فقدت الوعي.

الموقف حضرنه سندس وحنان وقفن وجني يجارن ساعدني بش وقفت وقعدت ع الكرسي.

سندس قعدت جنبي تثرثر بس ما كنت نسمع فيها،،أما حنان مشت تجري جابت كبايه.
عطتها لي شربتها بلا وعي.

بعدها سندت راسي على يدي وتأوهت من كثر المر.

سندس:-رجاء!!!!!!!!!!
كنك؟؟؟؟؟؟؟؟
ليش خبطتي الباب وانفصلتي على سعاد؟؟؟
وسعد ليش كان معاك؟؟؟؟
باه بابا.....بابا كنه كلمك؟؟؟؟
في حاجه؟؟؟؟؟؟شن حكالك؟؟؟؟؟؟
رجاء كنك؟؟؟؟؟
نكلم ابراهيم يأخذك للمستشفى ولا تخشي.

أنا صرخت في وجه سندس:-بسسس
خلاااااااص اسكتي.

سندس انفجعت من صوتي ورجف جسمها كله......جت سعاد.

سعاد:-صدقيني أنك تبي طبيب نفسي.
اشقي بروحك.

أنا:-سعاااااااااااااد اسكتي مش ناقصتك.
سعاد:-متخلفه حاله نفسيه تخبط وتصرخ،،،اخس.
أنا عصبت وصرخت عليها:-نعصب من كثر الضغوطات على راسي.
خلاص راسي يبي ينفجر.
أنا لاني الكبيرة لاني العاقله ليش نتحمل المسؤليه ليش نكون مسؤله مليييييت مليييييت.
وتلفتت لسندس:-لازم تروحي مع راجلك يا سندس،ردي لحوشك خلي مواضيعك بينك وبينه بابا مريض واصل حده مش ناقصه،،وخوتك رافعين يديهم ما يبوش مسؤليه وأنا الله غالب ربي خلقني بنت ما نقدرش نديرلك حل.

سندس ضمت وجهها بيديها وقعدت تبكي،،سعاد جت ضمتها:-خلاص يا سندس البكاء ما ينفعك ردي لـ عثمان ناقشي امورك معاه بهداوه اعرضي عليه فكرة السفر والعلاج في الخارج بالك تطلعي بــ حل.
حنان:-شن في؟؟؟علاج شن؟؟كنها سندس؟؟؟؟فهموني.

سندس ردت باندفاع:-أنتي ما دخلك خليك في حالك واتقي شرنا.
ما ديريش روحك مسؤوله ع الحوش بمجرد ما ردك بابا..

حنان وقفت وانسحبت تجري.
أنا وسعاد بحتنا في بعضنا!!!!!!!!!!!!!

ما حبيت نهزب سندس قدام سعاد لأن زي ما سبق ووضحت أن سعاد ما عندها العلم وتوا مش وقت نحكي قصه هك.

سعاد عصبت على سندس:-عيب شن قلة الأدب هذي؟؟؟؟
سندس:-أنتي مش عارفه هذي شن دارت فينا
سعاد قاطعتها:-مهما كان عفا الله عما سلف انسي اقل شئ احترمي بابا واحترمي فرق السن يلي بينكن.
هيا اتصلي بعثمان وعدي لـ حوشك.

سندس وقفت:-مستحيل ندز عليه هو كان جاء خذاني نمشي.
وانسحبت.

سعاد:-اوووف عليك هم ناقصنا نحنا.
شن نديرو؟؟؟؟؟؟.
أنا ضاغطه على راسي من قوة الصداع:-كلمي عثمان اقنعيه يطلعوا يعالجوا ولا أي شئ المهم ما توصل للطلاق الموضوع مش مستاهل.