حيـاتـي💔(مكتملة)

الـحـلـقــة 11

حياتي 11

اول يوم نزلت للجامعة كنت متفقه مع سلمى تستناني ع الباب لما جيت من بعيد جت عيني في عين فيروز مشت عشان تبش تقعد مع سلمى وأنا قاعده....

سلمى سلمت عليا:-و أخيراً وأخيراً.
أنا ابتسمت:-نجك ليا شخبارك.
سلمى:-تعالي تعالي ندهورك في الجامعه ونوريك الكلية ونعرفك على صحباتنا الجدد.
أنا:-هيا.

ومشينا.

أنا:-كنها فيروز قلبت وجهها لما شافتني هذا كله عشان حكيت كلمة الحق عليها وعلى خوها؟؟؟؟؟
سلمى:-فوتي خلاص معش ادوريها خلي جوك تمام واعزقي وراك.
اصلا هي ما عمرها كانت صحبتنا الا من بعيد قربت منا فترة عشان خوها بعدها بعدت خلاص بجوها.

أنا:-تصدقي والله ماني مطمنه على سندس.
سلمى:-أنتي وصيها تحبس روحها في دارها وما دير شئ لعند ما يهدن النفوس.
أنا:-قلتلها واكيد حدير هكي،،بس بابا وخوتي نعرفهم لما يبوها وينووها يخشوا عليها.
سلمى:-اووووف منك تهني شويا غيري جو شووووويا فووووتي انسي الهم لحظه.

عرفتني سلمى ع الشله الجديدة خذيت المنهج يلي فاتني..

بعد انتهن محاضرتنا قعدنا نستنوا في هلنا،،لمحت الصابر خش للجامعه.

أنا شهقت:-سلمى سلمى شوووووفي.
سلمى:-شفته.
كنك اهدي.
أنا:-شن جابه؟؟؟؟؟؟؟
يارب ما يشوفني.

سلمى:-ههههههههههههههههه ماغباك ما غباك وووووه منك.
أصلاً هو جاء هنا على خاطرك.

أنا:-شن؟؟؟؟
وكيف عرف؟؟؟؟
مستحيل.
اسمعي يا سلمى لو أنتي قلتيله انسي.....

سلمى:-اسكتي اسكتي لحظه والله هو يراقب في حوشكم وهو يلي دزلي رساله قالي شفتها جت للجامعه ونبيها.

أنا شهقت:-تخيلي؟؟؟؟؟؟؟؟
وحق ربي هلي يقتلوني لالا وراسك أنا خلاص نسيته.

سلمى هزت كتفها:-مش شوري.
اسمعي نبي الحمام تعالي معايا.

مشينا للحمام خشت سلمى وأنا قعدت ع الكراسي نستنى فيها.

:-رايفت عليك.
انفجعت من الصوت لأني كنت سرحانه رفعت راسي شفت الصابر واقف قدامي انصدمت ووقفت بسرعه نتلفت يمين ويسار خايفه حد من خوتي يشوفني:-أنت شن جابك هنا؟؟؟؟؟؟
شن مزلت تبي مني؟؟؟؟؟
وجيت نبي نمشي.

الصابر:-معقوله هذا استقبال يا رجاء أنا ميت من الرياف عليك ليل نهار نفكر فيك نبي نعزيك نبي نواسيك نبي نوقف جنبك بس مش عارف كيف نوصلك.

أنا:-تبي تواسيني؟؟؟؟؟؟؟؟؟؟؟؟
هههههههههههههه كيف تواسيني وأنت سبب كل همنا وسبب كل البلاء.

الصابر:-ليش؟؟؟؟؟؟؟
هذا كله عشان حبيتك وطلبتك!!!!!

أنا:-تستعبط أنت؟؟؟؟؟؟
ماما ماتت بقهرها على سندس وأنت السبب أنت شوهت صورتها قدام خطيبها ودمرت حياتها وحياتنا كلنا.