حياتي 5
حتى أنه خذاها لدكتور اعصاب وما فيش حل.
سلمى:-قصة والله.
أنا:-تقول أنها لما تقعد مع راجلها في طرابلس تقعد كويسه.
بس الكوابيس والمرضه يصيرنلها غير هنا.
سلمى:-لاحول ولا قوة ألا بالله ربي يشفيها.
أنا:-يااااااارب..
انتهى الدوام ومعش حكيت تفاصيل لـ سلمى.
هي لما طلعنا من المدرسة لقت بوها روحت معاه وأنا مشيت على رجليا وقلبي ينبض باسمه.
خُيل لأنفي أني شميت ريحة عطره من قبل ما نخش بداية شارع المحل.
لقيته يستنى فيا وقالي تعالي.
خشيت وراه للمحل كان فاضي،،وهو كان مبتسم وفرحان.
الصابر:-رايفت عليك يا عويناتي.
أنا تحشمت مزلت منعرفش نحكي وجها لوجه.
الصابر:-نعليا منك وخلاص.
ها فكرتي يا قلبي؟؟؟؟؟؟؟؟؟؟؟؟
أنا:-لا مزال مشغوله في امتحاناتي.
الصابر:-نحبك يا رجاء ودين محمد نمووووووت فيك.
حكينا وطلعت من المحل وعطاني كيس حطيته في شنطتي...
كملت طريقي للحوش وقلبي يرقص من السعادة.
جيت لقيت ماما وسندس مع سوسو في الدار....
فرحت مشيت نجري ضميتها.
أنا:-الحمدالله على سلامتك.
شن درتي؟؟؟؟؟شن يوجع فيك؟؟؟؟
سعاد:-الحمدالله كويسه.
أنا:-وراجلك؟؟؟؟؟؟
سعاد:-فيت الكسر من غيره الحمدالله.
درنا نحنا الأثنين صور ع الرأس عشان يتأكدو من سلامتهن والحمدالله.
ماما:-رجو هيا سلم ماما عدي بدلي دبشك نبي نجهز الغداء راجل اختك عندنا.
أنا:-حاضر.
ومشيت نجررري قفلت باب دارنا فتحت الكيس وضميته لصدري الله ريحة عطره فيه.
فتحته كان برفان.........
""هذا برفاني يلي نستخدم فيه""
كيف عررررررفه؟؟؟؟؟؟؟؟
خفت حد يجي وقفت دسيته بين دبشي وبدلت دبشي وصليت الظهر ومشيت قعمزت مع سوسو.
سعاد:-شن صار في سندونه وضعها مش عجبني؟؟؟؟؟؟
أنا:-ماما قنعت الشباب أنها ترد تقرأ.
سعاد:-ايووووه لأني نويت أني مش ماشيه من هنا ألا لما نديرلها حل.
باه والفرخ الواطي يلي كانت تحكي معاه؟؟؟؟؟
أنا:-والله مش عارفه بصدق،،أنا اصلا ما نعرفه سلمى تعرفه.
سعاد:-باه ان شاء الله ربي يوفقكن.
وأنتي ما فيش جديد؟؟؟؟؟؟
والحمدالله ما انجبرت نجاوبها لأن جت سندس ووراها ماما معاهن الغداء.
أنت تقرأ
حيـاتـي💔(مكتملة)
Roman d'amourللكاتبة سمية الدرناوي باللهجة الليبية...تحكي عن بنت عاشت حياتها ظلم وتموت امها وتنجبر ع عريس ماتبيهش ويصيرن معاها احداث واااجد ومشوووقه.. رواية رووووعه ومن اجمل الروايات اللي قريتهن ❤
