حيـاتـي💔(مكتملة)

الـحـلـقــة 10

حياتي 10

يا بال الأم مافيش حاجة في الدنيا....

في يوم من الأيام كنت قاعده في المطبخ معاناة ومسؤولية وتعب.

مسؤولية مش متعودة عليها،،وسندس محبوسه في الدار ما تقدرش تطلع خايفه منهم.

وكل حاجه في وجهي أنا،،،،سمعت الجرس رن وجاني سعد.

سعد:-سلمى صاحبتك ومعاها وحده اخره يبنك.
وطلع طلعت وراه رحبت بيهن كانن سلمى وفيروز الحق انهن وقفن معايا وقفت صديقات فعلاً.

يعني سلمى اقرب انسانه ليا في حياتي ما نستغربها منها،،بس فيروز مش هذك الصداقه بينا .
خاصة بعد تزوجت توقعت ان معش نشوفها بكل.

سلمى:-شن اخبارك واخبار خواتك؟؟؟
أنا:-الحمد الله.
سندس محبوسه وسعاد عدت ما بقى في وجه المدفع ألا أنا.

فيروز:-معقوله لحقت تمشي وتسيبكن سعاد!!!!!!!!!!
أنا:-حتى هي معذورة كرهت الجي هنا تلقائياً كل ما تجي تنزل وهي يلي حلمها تحمل.
ويكفي ما شافت في هالزيارات الأخيرة.

سلمى:-فعلاً شي يشيب الراس ربي يصبرك ان شاء الله.
أنا:-ان شاء الله.

سلمى:-نقدر نطمن على سندس؟
أنا:-لا الحق خايفه يعاقبونا عليها.

فيروز:-ربي يعينكن على هالخوات ،الحق أنهم يقهروا ويعطوا في المواضيع اكبر من حجمها.

أنا:-لا يا فيروز ما يعطوش في المواضيع اكبر من حجمها،،خوك غلط غلط في حق اختي وحق هلي كلهم وحقي أنا يلي داير روحه يحبني.
هذا حب هذا؟؟؟؟؟؟؟
هذا حب؟؟؟؟؟
بالله عليك في حد أذاني في عمري ألا هو وحبه؟؟؟؟؟؟
فيروز:-بس هو حبك صح وما قصر معاك وجاء وطلبك والرفض جاء منكم.

أنا:-انا خسرت كل شئ بسبب هالحب خسرت أختي وخسرت دراستي يلي كنت نحلم بيها وخسرت اغلى شئ في عمري أمي.
أمي يلي ما تتعوض بكنوز الدنيا ماتت مجلوطه ماتت مقهورة.

وانهرت نبكي،،،،،ضمتني سلمى.

سلمى:-وسعي بالك الحمدالله على كل حال هذي حكمة ربي.
وأنا جنبك ومعاك لا يمكن نتخلى عنك.
فيروز مسكت يدي:-رجاء
الصابر خويا ونعرفه،،الصابر يحبك والله والله ما عمره حب غيرك ما عمره فكر يخطب الا لما عرفك.
حوشه واقف له سنين وهو يسنكح لعند ما تعرف عليك.
سيب الدخان بعد عرفك....
سيب السهر والشلل بعد عرفك.
رد يشتغل ليل نهار عشانك أنتي.
ردي بالك تفكري أو تشكي أنه يضحك عليك او يلعب بيك.
اصحي.

أنا:-يحبني اوك بس ليش يدير هكي في أختي،،،
ليش ما صبر،،ليش تسرع و دار يلي داره.
يعني شن استفدنا هكي؟؟؟؟؟؟؟
شئ ولا حاجة.

على فكرة يا فيروز أنا طووووول عمري سواء اطول عمري أو قصر لا يمكن نساااااااامحه الصابر طول عمره.
وحنقعد ديما عارفه ومقتنعه أنه هو السبب في وفاة امي الله يرحمها.