حيـاتـي💔(مكتملة)

الـحـلـقــة 15

حياتي 15

ونعاودله يديرلي في مشغول.....

وصلني منه مسج""انا في الحوش وامي احذاي توا طالع نتصل بيك معش تتصلي أنتي""

صبرت ومعش اتصلت،ساعه اثنين ثلاثه اربعه.
تعشينا كملت الحوسه خشيت بنرقد و فتحي لي توا ما رن!!!!!!!!!!!

بدن دموعي ينزلن يعني لو علاقه أو حتى خطوبة نتحمل حركات المعيله هذي.
بس هذا راجلي ويدير هكي؟؟؟؟؟؟

مع بكاي غفيت...
نضت منفجعه على هز نقالي الساعه 3:00

أنا:-ايوه
فتحي:-كيف رقدتي؟؟؟؟؟
أنا:-الساعه3شن يخليني نسهر؟!؟
فتحي:-مش على اساس كبدتي ع العيل.
أنا دموعي ينزلن:-العيل!!!!!!!
سعاد مشت لطرابلس .
فتحي:-والله؟؟؟؟؟؟؟؟؟؟
أنا:-والله،،،،،،حكيتلك ع الموبايل بدري.

وخنقتني العبره.

فتحي:-امي جنبي بدري ما قدرتش نعطيك فرصه تحكي مرات تسمع صوتك.
أنا:-باه على اساس تطلع وترن عليا..
فتحي:-جيت بنطلع امي مسكت فيا تبي السوق برمنا برمنا لعند الساعه 9:00.
روحنا تعشينا تعشت معايا وجوني جماعتي في الحوش توا طلعوا.

أنا:-تهنيت ع السوق وعلى امك وعلى جماعتك،،وتوا وقتي انا!!
أنا البدل والاحتياط.

فتحي:-تي اهدي بس ما تبكيش، انتي كل وقتي لك.
أنا نبكي:-نبي نمشي لحوشي تعال خوذني.
فتحي:-بلسانك قلتي الساعه 3.
أنا:-مش توا،،،،بكره.
فتحي:-بكره ما نقدرش بوي عنده جماعه جايينه الحوش.
أنا:-بعده يا فتحي.
باه حطني ف الحوش وتعال لما تكمل.
فتحي:-ما هو بكره ما نقدرش نبات برا الحوش لأن اليوم يلي بعده نبي نطلع الصبح لاجدابيا أمي تبي أختها واكيد مش حنروحوا قبل اسبوع ولا عشر أيام.
ما نقدرش نحطك في الحوش بروحك اقعدي مع هلك خير منها يونسوك ومنها تخدميهم.
تمام؟؟؟؟؟؟
تمام!!!!!!!!!!!!
رجااااااء
ألوووووووو
رقدتي؟؟؟؟!!
نوم العوافي عيوني.

وسكر"""""

طوووولت وأنا مصدومه ما قدرتش حتى نحول الفون من وذني مع أنه سكر.

حتى دموعي من الصدمة معش نزلن.
معقوله!!!!!!!!!!!

بعد كل ألم وكل فقد وكل الجروح يلي عشتهن،،تكون نهايتي هكي!!!

راجلي يرفض يأخذني لحوشه!!!!!
إذلال ما بعده إذلال.
أي وحده ما سمعت من زوجها الكلمه هذي"خليك عند هلك"  ما يحقلها تحكم على شعوري وأحساسي توا.

بعد وقت صحيت من سباتي وقعدت نرن عليه يضرب ما فيش رد.
هو لما يرقد يدير فيه سايلنت اكيد رقد.

دزيتله مسج """ما قدرتش نرقد بليز لما تنوض رن عليا"""

سهرت للفجر،،صليته غريبه ما رنش فتحي مداوم ع الفجر من أول ما عرفته!!!!!!!!!!!!!!

الساعه 12  كنت نضم في الحوش وقاعده بروحي رن علي.

فتحي:-الو
كنك يا رجاء؟؟؟؟