🌟كاوري فالدوار🌟
🌛بارت:27
#رودينا
والله مافيا لي فيق لبارح بقيت فدار لحاج تال تلاتة صباح جا داك برهوش ديال أيمن ولعبنا كارطة سطانا بالضحك... ياله نلبس نمشي لعند زماني ههه نوجد ليه لحمام ونعوم تنا من حد لحمام يكون سخون ندي معايا لحوايج...ياله خارجة كنتساطح مع كحلة لعفطة ديال فطيطيم..
فطيطيم:صبيحتي توحشتك..
انا:تانا الحب فين غبرتي..؟
فطيطيم:راك عارفة ملي حلفت عليكم مي هي لي غدير لعرس وانا فشقا..
انا: وااه باغة غير إمتى نعرس مابقا والو.. سمية راها تجري متلافت
فطيطيم:وقولي لختك تمشي لحمام وتغسل خنزها لاتبقاش تسنا لعيد...
انا:جبدتي لبلا على راسك توحشتي تنتفي.. يالخانزة يابنت لخانزة
فطيطيم: ومالي كدبت علك؟؟
انا: عرفتي ماكين لاش نضاربو دابة... شدي هاد الرزمة ديال لحوايج نسد سمطة ديال سندالة(شداتها بين يديها وهزيت معايا فردة ديال سندالة) أجي نوري لمك وسخ دنيا...
تلاحيت على مها بنتيف وضريب ليومة تقراع بنت لكلبة جعرتني اييه ختي مكتعومش بزاف ولكن أنا لي نعايرها تاحد مايقول عليها شي كلمة ولا نخرج مو فجورنال... *وقفو دراري صغار كتفرجو وجا حداهم واحد شخص*
شخص:(كيدوي مع أيمن) مالهم هادو؟ ماغتفوكوهمش؟.
أيمن:هاديك رودينا وصحبتها فطيطيم راهم ديما هاكة عادي، وزيدون انا غير دري صغير ماعندي صحة... دخل نتا فكهم
شخص:هادي رودينا ههههه (بدا يغوت) عطيها أرودينا نتفي مها ألي رودينا...
احسان:(دايزة من تما بلا شك عقلتو عليها... بان ليها لغاشي وهي تقصدو) صيبافري هيماج هادو كيخسرو سمعة ديال الدوار حيونات...
شخص:(دار عند أيمن) شكون هادي..
أيمن:(جرو عندو يدوي معاه بشوية) هاديك هي بركاكة ديال الدوار وباغة فين تلصق وتزوج (شخص بعد منها) واااه حضي راسك راها كتسحر لبنادم (شخص زاد بعدم منها)
انا:فطيطيم واقلة سمعت ديك كلبة عيراتنا
فطيطيم:تانا سمعتها ياله نتحماو عليها انا نعض ونقمش ونتي عليك بنتيف
طلقت من فطيطيم ودرنا بجرية وحدة شدينا ديك سلوم الجيارة وبركنا هادي تنفع هادي الضر حتى كنحس بشي إيد جراتني، ضرت معرفتوش شكون وانا نشنق عليه..(كان داك شخص)
انا:واااعباد الله ساير يتلمس فيا.. واكتحرش بيا واااع
أيمن:قلت لك دخل سوك راسك أساط بففف كاسول...
فطيطيم:وا هيا مي كيتعدا على صحبتي(شافت فسيد لقاتو بوكوص مشات كتجر فرودينا) تي طلقي من دري باغة تلوحي عليه لباطل..
انا:(شديتو من شعرو وضرت شديتها تاهي من شعرها)ياك لمك دغيا قلبتي لفيستا
شخص:رودينا طلقي مني..
انا:واهيا مي كعرف سميتي محرشينو عليا فينك أبااا أجي تشوف بنتك ولاو يتعداو عليها
فطيطيم:واتي طلقي شاروخان حرام علك...
ويليام:(جاي كيجري بشورط وتيشورط تابعو أيمن خخخ) روديناااااا
انا غير سمعت صوتو وباينة معصب قفرتها وانا طلقت منهم بزوج ودرت موتة حمار سخفت ليهم فلرض..وطالقة ودني كنسمع
ويليام:سام أش كدير هنا؟؟
سام:(كيعون في فطيطيم وكيصاوب معاها شعرها وهي غير كضحك تحلات) راني قلت لك جيت نشوف زين (وغمزها)
أنت تقرأ
كاوري في الدوار
Любовные романыقصة بطابع كوميدي... كاوري كيزور دوار بسيط فيه بنت هبيلة غاتخرج ليه لعقل... بسباب حادت بسيط غاتولي مكلفة بيه وتاهو غايلقاها سبة حيت فعلا هاد لبنت خلاتو نسا كلشي وكيعيش معاها مغامرات....
