🌟كاوري في الدوار🌟
🌛بارت:81
#يوم لعرس
مانا لولة مانا تانية
زواج راه عشرة ومفاهمة
ضاركم يبزو عليك ولا لبراني
شي فرحان وشي كيعاني
ناس ناشطة وضاحكة
وانا فهمي غارقة
نقافات يصليو عانبي
وانا قلبي بدم يبكي
لحباب يباركو ليك
ونتي تقلبي شكون يحس بيك
علاش لي ناس ماتخليك فحالك
علاش لي متزوجيش لي قلبك بغاه لك
يالي ديتي قلبي نتا لي نتمنا
ولي غاصبني فهاد ليلة يتسنا
اه أقلبي واش داك تحن
وفهاد ليلة غادي تمحن
ليلة العرس وضواو شاعلين
لحباب غادين جايين فرحانين
وانا عافية قلبي جا مايطفيه
واش غير انا لي قلبي رام ليه
معرفت حبو واش بصح ولا بلعاني
عطيتو قلبي ساعة بحبو كواني
قطع لبحر وخلاني سارحة بغرامو
كان عندي لعقل لي كلاه لي بكلامو
يالكاوري دخلتي لحياتي عجاجة
ومنها خرجتي خليتي قلبي فتاتة
مانا هنا مانا لهيه قلبي مقسوم
ومن حبو هاد لقلب محروم
هادا عرسي وانا هاجراه
هادا قلبي أو واللهما بغاه
ياك غير عدنان زواجو ماني قابلاه
والله يبعد بلايا من بلاه...
سمية:(دخلات للبيت هي ونقافات) رودينا هاويلي ليوم عرسك ونتي كتكتبي ليا فداك لكتاب!!
رودينا:(سداتو) هاني ساليت راني لابسة كنتسنا لبنات يساليو معاك باش يديرو ليا ماكياج..
سمية:(قربات حداها) راه عدنان مصدعني قالك خرجي دابة راه ناس جاو ولعدول كاين..
رودينا: ممم واخة قوليها هانا خارجة ...
كملو لبنات لبسهم ورودينا دارت سيلفي مع سمية من تيليفونها وخادت نفس عميق وخرجات....
باركين فصالون مغربي لعدول وشهود ...
لعدول: شكون نبداو معاه لول..
عدنان:(نقز) حنا أشريف حنا..
لعدول:(شاف فيه بشك) إنا وحدة لعروسة ديالك فيهن؟؟
عدنان: (نعت لرودينا) زوينة فيهم هيا مرتي...
فطيطيم: ياخويا شحال باسل يخخخ
أنيس: احم فاطمة!!!
فطيطيم: هيهيهي دويت بجهد؟؟
لعدول:(حاس بشي حاجة ماشي هي هاديك) أبنتي موافقة على هاد زواج؟؟
رودينا:(بدون تردد حاسة بنضرات عدنان لي مراقبينها) أه أسيدي قابلة...
عدنان:(بتاسم) يمكن ليك تبدا أسيدي..
لعدول: على بركتي الله عطيوني لي مارط ديالكم وديال شهود..
عدنان: رودينا لاكارط..
رودينا: أويلي راها فلبيت خفت نطيحها وانا معنديش جيب فتكشيطة...
عدنان: هانية حبيبة لافوت ديالي نسيت مخديتهاش قبيلة.. سيري جيبيها راه سيد كيتسنا...
رودينا: واخة .. سمح ليا أسيدي راني مبغيتش نهوها فيدي ليل كولو ونجليها...
لعدول: ماكين باس أبنتي...
فطيطيم: انا نجيب ليكم أتاي ولحلوة بيما جات..
لعدول: الله يرضي عليك أبنتي ونشوفك تانتي عروسة..
فطيطيم: آمييين ياربي...
#رودينا
دخلات تجري وحيدات تكشيطة لابسة لتحت كولون وتيشورط لاحت فوق منهم تريكو مفتوح طويل وحلات شرجم لقات السلوم ولحاج كيتسنا لتحت نزلات وعطات رجليها لريح هيا ولحاج كيحاول يتبعها...
رودينا:(وقفات) لحاج غير رجع وبان فلعرس باش مايشكش فك داك لحيوان...
لحاج: شوفي أبنتي سيري حدا طكسيات لكبار فين كيكونو غاتلقاي واحد سيد وصيتو يبقا واقف تما ويوصلك فينما بغيتي...
رودينا: سير تلحاج الله يبيض سعدك..
لحاج: أودي كحال نخار تزوجت طامو...
رودينا: ههههه ياك طامو هي لحب ههه
لحاج: نم قالك لحب هههه ولكن من طامو مانخلاق...
رودينا: احح هاداك هو لحب خخخخ
لحاج: رودينا تهلاي فراسك وفكري مزيان والله يهديك تعيطي لويليام راه يعاونك وي وقف معاك..
رودينا: لا هي لا
لحاج: سيري أبنتي الله يفرشك برضا ويغطيك برضا...
رودينا باست راسو وعطاتها لجري عوتاني شي عشرة دقايق سمعات قرطاس، عرفات عدنان غايكون محيح مهم هي مرتاحة على ختها وأنيس حيت قالت ليهم خطتها وهوما كتبو لكتاب بنهار قبل مايجي كلشي ..ولوقيتة لي مشات فطيطيم تجيب أتاي راها مشات عند مها وغايتسناو تاينود عدنان يقلب فبيتها عاد غايتلاقاو بأنيس وسمية وغايشدو طريق، يهربو قبل مايسيق لخبار...
رودينا واخة هكاط تخلعات بدات كتسمع صوت طوموبيلات ولكارد كيغوتو عرفات شي تابعينها على رجليهم شي فطوموبيلات...وصلات لبلاصة طاكسيات وتخبات من مورة واحد شجرة ومرة مرة طل بان ليها مول طاكسي ياله غاتخرج تجري عندو حسات بشي حاجة تحطات على نيفها بدات كدفع وكتركل ساعة والو لي شادها حاكمها حتى بدات دور بيها الدنيا وضلامت الشوفة ودموعها خانوها حتى غيبات
أنت تقرأ
كاوري في الدوار
Lãng mạnقصة بطابع كوميدي... كاوري كيزور دوار بسيط فيه بنت هبيلة غاتخرج ليه لعقل... بسباب حادت بسيط غاتولي مكلفة بيه وتاهو غايلقاها سبة حيت فعلا هاد لبنت خلاتو نسا كلشي وكيعيش معاها مغامرات....
