#رودينا
رودينا: كيفاش قلتي هادي عامين كلشي تبدل علاش؟؟
رضوان: هادي عماين جيت لدوار نشوفكم حيت عقلت على إسم الدوار ملي وصلت 16 وقلت غير نوصل لسن لقانوني ونجي نشوفكم ونقوليكم راني مزال حي وتوحشتكم... وصلت للدوار مع لعصر دخلت صليت حتى كنسمع لإمام كتحتت مع لحاج على بابا وماما لي ماتو ولحاج مقابلكم..(سكت وعينيه مدمعين حتى تمالك نفسو ورجع هضر) مهم بقيت بارك فجامع نسيت راسي مع صدمة حتى وصل لفجر صليت وخرجت غادي عندكم وانا نسمع سميتي لي ماسمعتهاش هاد سنين كلها تال داك نهار..
رودينا: كيفاش؟؟ على أش كانو كيعيطو لك؟؟
رضوان: ملي تبناوني عطاوني سمية عدنان العالمي..
رودينا: بحال سامعة هاد السمية...(كتفكر)مممم فين فين..
رضوان: خليني نكملك..مهم سمعت سميتي درت لقيتو شخص فنفس لاج ديالي
#فلاش باك قبل عامين..
رضوان خارج من جامع كلو مهرس من لداخل قلبو تقسم طروفة بلخبر لي سمع خارج وكحط رجل قدام لوخرى ولكن ماحاسش بدنية..ياله دربو لبرد ديال الفجر وهو يسمع..
شخص: رضوان!!
رضوان:(مصغر عينيه كيحاول يشوف حيت مكيبانش مزيان غير ضو ديال قمرة) شكون تما؟؟
شخص:(تمشى عندو حتى ولا قدامو) على سلامتك إمتى جيتي؟؟
رضوان:شكون نتا وباش عرفتيني انا شكون..
شخص: راك متبلدوش ملامحك غير كبرتي وترجلتي دغية عرفتك..
رضوان:شكون نتا بعدا؟؟
شخص: انا ولد عمك أساط ...
رضوان: عدنااان!! واو صدفة زوينة(عنقو)
عدنان: وياه فرحت ملي شتك... ياله نتقهواو شوية ..
رضوان: بغيت نشوف لبنات توحشتهم..
عدنان: على باقي مشفتيهمش؟؟
رضوان: لا ملي جيت وانا فجامع..
عدنان:(بصوت منخفض) مممم مزيان ... ياله أصحبي ياله نتحتو وعاود ليا على هاد سنين لي دازو...
رضوان:أوكي ياله تايطلع نهار ونمشي نشوف خواتاني..
عدنان:أنمشيو لواحد قهوة جديدة حدا الجنانات
رضوان: كيدير لبنات؟؟
عدنان: لباس عليهم راحنا مهلين فيهم
بداو كيتمشاو وصلو لواحد بلاصة مضلمة وهوما يخرجو خمسة دراري شفت عاليمن ديالي ملقيتش عدنان ياله غانغوت حسيت بدقة فراس غيبت... من بعد معرفت شحال كتفيقني ريحة ومع راسي ضارني بقيت واحد دقيقة كنحاول نستوعب أش وقع.. ريحة لي فيقاتني ديال ليسانس حليت عيني وكنشوف دوك دراري كيخويو فليسانس فكاع دوك لقنات ديال هاد بلاصة واقلة كوري وانا مليوح فلرض.. شفت عدنان جاي وانا نرجع غمضت عيني..
عدنان: حضيو معاه لايفيق..بغيت هاد لكوري يتحرق بيه لداخل..
شخص: أصحبي راه ولد عمك زعمة مايبقاش فك؟؟
عدنان: علاش غايبقا فيا؟ انا فلوس عندي أهم..
شخص: عنداك تمشي ألمانيا وتنساني
عدنان: واصحبي دويت معااك..
رضوان مغهمش كيفاش عرفوه فألمانيا وعاد طاحت عليه بلا كان مخطط ليها وكوراه شافها فباسبورو..شوية تسمعت شي حاجة تقرقبات مقدرش يحل عندو باش مايتفرش..
عدنان: شكون تما
شخص: ولد كلبة داك ولد سعاد..
عدنان: انعل ز*** بوكم .. انا نمشي نتبعو نشوف باش نهددهم وهادا مايفيقش تاتشعلو لعافية هنا..
بقا رضوان كيتسنا تاشعلو لعافية وخرجو وهو يخرج كيجري.. طاح عليه عود على كتفو تحرق شي حروق بليغة ولكن واخة هكاك خرج كيجري كيبعد حتى سخف فلخلا..
نهاية فلاش باك
رضوان: ملي حليت عيني لقيت راسي فدار شي ناس ودواوني وتهلاو فيا.. وملي وليت بيخير حاولت نعيط لدار مي تصدمت بخدامة كتقوليا راهم مشاو يجيبو عدنان من مطار حيت مريض...
رودينا: واااع دوختيني عدنان لي هو نتا ولا عدنان ولد عمي مفهمتش..
رضوان: هادا هو بلان عدنان نتاحل شخصيتي قالهم دار كسيدة وطوموبيل تحرقات ودار عملية تجميل...
رودينا: ولد لحرام ونيت فورمتكم كتشااابه ولد لحرام الله يلقيها ليه..
رضوان: هادشي علاش انا باقي مخبي..
رودينا: ومنين جاوك فلوس؟؟..
رضوان ياله غايدوي وهو يتفرع لباب وبان ويليام رودينا مع صدمة بقات حالة فمها ويليام وجه فردي للرضوان وضرب قرطاسة...
رودينا: خوووياااااا
أنت تقرأ
كاوري في الدوار
Romanceقصة بطابع كوميدي... كاوري كيزور دوار بسيط فيه بنت هبيلة غاتخرج ليه لعقل... بسباب حادت بسيط غاتولي مكلفة بيه وتاهو غايلقاها سبة حيت فعلا هاد لبنت خلاتو نسا كلشي وكيعيش معاها مغامرات....
