كاوري في الدوار

🌟كاوري في الدوار🌟 🌛بارت 26

🌟كاوري غي الدوار🌟
🌛بارت:26
كنت مخشية فتلاجة (بيت كبير ديال لخزين كيكون بارد وفيه لخضرة ولألاعيب) لقيت واحد مولاتي دلاحة واااو وشهيتها ولكن تقيلة...
انا نمشي نشوف داك ويليام منافع بوالو إجي يهز ليا دلاحة...
حليت لباب لقيتو كيوشوش هو وأيمن داك بجغوط فينما كيكون كيعطيها لمصائب.. كنتسلت وانا نجي موراهم..
انا:(بأعلى صوتي) واااااااااااع
ويليام:(ضار بيدو دغيا عطاني كروشي للعين) ديمك خلعتيني..
انا:أي يامي عيني هئ هئ هئ
أيمن:نمشي نبدل حوايجي (لأخ بال فسروالو بالخلعة مسكين طيراتها منو) هااا ولكن غنرجع ناكل طاجين ديال حوت واااه عنداكم متسناونيش (غمز ويليام وضحك)
انا:(شادة عيني) هئ هئ كيلاش داك بعلوك كضحك هئ هئ عامين هادي ماشفتو بتاسم ولا ضحك من نهار خرجت ختو من الدار ومابقاتش جات... أي عيني هئ
ويليام:عندك زهر ملي شفتك خففت من دقة أما كوراك مغيبة
انا: أو ملي شتيني مالك محبستي هئ هئ عيني ااتزراق الله يعطك صريصرة وماتلقا فين طلقها بغيت لك جربة وقلة ضفار..
ويليام:صافي كبيدة سمحي ليا..
انا: كح كح كح أشنو كبيدة؟؟ مالنا على تعناب؟؟
ويليام:تعنب علك وماانخلي لي يتعنب علك
انا:ويلي ويلي الدارجة ولات مسرحة... شكون علمك هادشي أيمن؟؟
ويليام:قولي ليا أش خارجة ديري فهاد ليل ها؟؟؟
انا: ههههه هاكاوا على لكاوري باغي يتحكم فيا(حطيت إيدي على جنبي كنتبوزا عليه)
ويليام:(خنزر فيا) سيري دخلي
انا: احو واخة (واخة هكاك نخاف منحشم)
لحاج: وااا لحيبان أجيو راه كتسنا فيكم غير إيدي ليسريا...
لحاجة:وا تعالو هااا راه لحاج دخل فالطاجين طول عرض
انا:زيد زيد لحاج راه مضروب على كرشو...أجي سير جيب دلاحة من داك لبيت
ويليام: واخة.. أجي إنا وحدة فيهم دلاح صفرة ولا مضرة ولا ديك خضرة مشرطة؟؟
انا:هههه دخل أكبر فاكهة غاتلقا جيبها
ويليام: واتسناوني
انا:متخافش كلشي كتسناك بليسرية
ويليام:(شاف فإيديه كيحاول يفهم) اه كتاكلو بليمنية إدن مكتسناوش؟؟
لحاج: (لحاج فمو عامر) خانخلي لك لكنة
انا: لقنة زعمة لوسط ديال طاجين..
ويليام:لا لا انا غنجي ناكل تانساليو ونجيب ليكم دلاح..
لحاجة:رودينا ديك طبوزية ديال ختك لباس عليها؟
ويليام:رورو أشنو هيا طبوزي؟
انا:هو غليض
ويليام:اااه ترمة زعمة
لحاج:كح كح كح أويلي أولدي وصلنا معاك لقلة لحيا
انا:(كنشوف فلحاجة تزنكت) شكون علمك هاد كلمة؟؟
ويليام:أيمن هو لي قاليا أش كتعني
انا: ولي تسولني قبل متنطق.. وماتيقش بداك جن
لحاج: ياولدي ترمة راهي علاش كتبرك
لحاجة:لحاااج أويلي نعل شيطان
ويليام:رورو نقبي ليا لحوت من شوك
انا:خخخخ مالنا طاحنينو بشوكو هاويلي حي شوك شتك غير كتهترف ليومة...
لحاجة:لحاج واسمع وتعلم شوف كي كدلعها رورو
لحاج:لحاجة نتي طامو أش ندلعك طوطو؟؟
انا:لحاج واقلة نوضو نمشيو شتكم شوية غاتحايدو سراول