🌟كاوري في الدوار 🌟
🌛بارت 22🌜
ويليام: نوضي ياله معايا..
انا: فين أويلي راه غطيح ضلمة
ويليام: مزيان نيت مغايكون حد
انا: فين غادي بيا
ويليام: تبردي على راسك
وصلنا لساريج وهو يبدا يحيد فحوايجو انا بقيت غير كنحنزز حتى فقت على شحاال..
انا: أويلي حي واش مسطي نتا راجع تعوم فيه هنا ماعجبكش إشهار لي درتي ليوم..
ويليام: هاد لمرة انا وياك
هزني لاحني فوق كتفو ودخل للما ولاحني غير قصت لما وهو يعجبني لحال حيت كاين صهد لقيتها من جنة والناس ولكن بلاتي نمتل عليه... درت راسي كنغرق ونعاود نبان ونتنفس بجهد ونعاود نغطس، حتى بان ليا جاي كدرع بزربة وصل عندي يلاه شدني وانا نبدا نجر نغرق فيه وندفعو تحت لما، شوية حسيتو ترخى طلقت منو وهويجمعني بزربة فيديه وبدا كيعوووم.. وماكين غير ضو لقمرة..
انا: واااع طلق طلق صافي غير ضحكت معاك..
ويليام: لا مغنطلقكش
انا: (لويت ايدي على عنقو) عفااك
ويليام وقف وبدا كيشوف فيا وانا مكمشة بين يديه مع لهزة لي داير ليا ومعنقاه وجهي ملاسق مع صدرو، وضو ديال لقمرة ضارب فوجهي.. وهو يقرب ليا وكيشوف في فمي ياله تحل غايدوي...
انا: عنداك تبدا تغني ولا شي بلان ديال رومانسية داكشي راه خاطيني..
ويليام: ههههههه
انا: مالك بنت لك كنكت؟
ويليام: عمرك كنتي مع شي دري فشي علاقة؟؟
انا: لا راني قلت لك ديك بسالات خاطياني..
ويليام: نيت راك باينة خصرتي لقطة رومنسية بداك لفم عندك لي ماكيسكتش..
انا: ومال فمي اش دار لك؟ ها جبدانو بعيدانو..
ويليام: فمك دار بزاااف...
انا: بحالاش؟ مانا سبيتك ماقللت منك دابا... يالاه أشنو درت..
ويليام نزل على فمي بشفافيفو ماعرفت راسي باش تبليت عينيا بقاو محلولين وجمدت، وهو تاهو غير حط شفايفو وزكا مدار والو.. انا بقيت مصدومة، ويليام رجع بلور وشاف فيا وهز إيديه..حطهم على عينيا..
ويليام: لبنات زوينات كغمضو عينيهم بحال هكا..
غير غمضت عيني حسيت بيه رجع بشفايفو فوق شفايفي هاد لمرة كيبوس بحنية تخلطو عليا لأحاسيس وضراتني كرشي وهو يخشي لسانو ففمي وهي ضربني لفيقة ونا نضربها ليه بعضة للسانو وقنانفو... حتى طلقني بديت نعوم نخرج بزربة وهو بقا غير كيشوف..
انا: أخر مرة تقيسني من لبسالة ماشي حيت تعاشرت معاك هاكة تصحبني من لبنات ساهلين بزاف عليك ولهلا يحييك.. حمار لاخر باسل..
ويليام: (تبعني بالخف وشدني من إيدي) شكون قالك انا كنعتتبرك بنت رخيصة..
انا: طلق مني طلق ... عنداااك قرش موراك
ويليام: من نيتك قرش هنا؟؟ ههه
أنت تقرأ
كاوري في الدوار
عاطفيةقصة بطابع كوميدي... كاوري كيزور دوار بسيط فيه بنت هبيلة غاتخرج ليه لعقل... بسباب حادت بسيط غاتولي مكلفة بيه وتاهو غايلقاها سبة حيت فعلا هاد لبنت خلاتو نسا كلشي وكيعيش معاها مغامرات....
