بعد ساعات رضوان فوق بياص فنفس لغرفة لي فيها رودينا كتسنا يعطيوه لبنج وباشرو بلعملية بطبيعة لحال رضوان مترددش بلي سمع أشنو وقع لختو وقلبو أنسجة ولقاو تطابق ودابة ما بقا غير يديرو لعملية ولكمال على الله.... من بعد ساعات طويلة ويليام وسام و فطيطيم وحتا رقية باركين كيتسناو عاد خرج طبيب وفرمليات المساعدات...
دكتور: حمد لله عملية تمت بنجاح رضوان راه دغيا يفيق من بنج وغايكون في فترة نقاهة...أما رودينا خاصهم نتسناو مع كمية سم لي كانت فدات ديالها تقدر تفيق ليوم تقدر غدا تقدر من هنا سيمانة على حساب ...ولكن ماشي غيبوبة غير فترة لي غاياخدها جسمها باش يتصرف في سم لي تشبع بيه...وشخص لي عونها ترد السم راه نقد حياتها...
ويليام: شكرا دكتور ..(دار ومشا عنق فطيطيم وكرز عليها) حمد لله رودينا عندها اخت بحالك
فطيطيم:(كتبكي) غير توقف لينا بالسلامة...
ويليام: ماما واش عارفة شي حاجة تقدر تعوننا؟؟
رقية: ها؟؟ بحالات أولدي؟؟
ويليام: بحال علاش تايكة كل ليلة كتبات معنقة صورة اب رودينا وتبكي؟؟(لا باقين تعقلو من لي عادل ولد تايكة قال فويليام بلا ماماها كتبات معمقة تصويرة...)
رقية: (بصدمة) كيفاااش واش باقة...(وحلات ليها لهضرة وعينيها غرغرو)
سام:ماما إلا ضرك ديك ولا حسيتي بألام متعوديش لينا بلاش صحتك هي لولة...
رقية: لا ضروري نفهمو علاش وقع هادشي...مهم ملي كنا صغار حنا كنا جيران حدا عائلة أب رودينا تايكة كانت مصاحبة مع اب رودينا وكيبغيو بعضياتهم...مهم كبرت وكبر حبهم ولكن جد رودينا كان قاري فاتحة مع ناس خرين ومبقاتش يتنازل وبقا حتى تزوج بأم رودينا مشكلة أنه واعدها غايتزوج باش يدير بكلمة باه ومايحرجوش مع ناس ولكن غايطلقها وتزوج التايكة...
فطيطيم: ايه واشنو وقع؟؟
رقية:ملي تزوج تغرم بإزا وبغاها حب حقيقي وعرف بلا حب لتايكة كان طفولي، وسارحها ولكن متقبلاتش لأمر وهربت من الدار أعوام وملي رجعت كانت حاملة بعادل...با مرضاش وجرا عليها من الدار وهز رحيل وبدل لمدينة..
ويليام:(شاف فسام) كتفكر فلي كنفكر فيه؟؟
سام: نوض الخرا نوض نمشي نزلو عليهم قبل مايعرفونا عارفين....
رقية: فهمني وسيرو راه قلبي غايبقا مشطون...
ويليام:(غير سمع قلبها وهو يوقف) لواليدة حنا كنا شاكين بلا بات عدنان غايبغي ينتاقم دكشي علاش كنا مراقبينو وعارفينو فين كاين ولكن مكنتش متوقعين بلي لمرا لي معاه هي التايكة...معطيناش للأمر أهمية ولا قلنا الكادر يعرفوها شكون...حيت قلنا حنا أصلا عندنا حراسة مشددة دكشي علاش مفكرناش..(حدر راسو)
رقية:(شدات فيديه) ماتلومش راسك اولدي نت وخوك ماليكم والو..وعفاك تكايس على تايكة راها خالتك واخة هكاك...
ويليام:(بغضب) لواليدة كون ماتت رودينا لا تقولي هاد لهضرة؟؟
رقية: لا حول ولا قوة إلا بالله
جورج:(ياله جا) دراري لقيت فين كاينة تايكة...
سام: تاحنا واقلة عارفين...
ويليام:(مشا عند سمية) باب بيت رودينا مايغفلش علك تراني غانخلي كارد ولكن نتيق فك نتي كتر منهم...
فطيطيم: والله وقرب ليها شي حد نقبر مو..متخافش غير حسية راسكم...
فنفس لكوخ لي فالغابة
عباس:(عم رودينا) واش واجدة؟؟
تايكة: علاش انا وياك علاش لي منسيفطوش كارد يقديو لغرض..
عباس:مكنتيق فتاحد وباغيك تاحد بتاريخ راسي...
تايكة: انا نمشي لرضوان ونتا علك برودينا..وغير ندكو ليهم لبرا غتيموتو؟؟
عباس: اه فلبلاصة كيعطي لمفعول....ااااه تانحرق قلب داك ويليام عاد نرتاح غاندي ليه أحب ناس على قلبو واحد مورة واحد
ويليام:(داخل مع سام وجورج وأنيس وتابعينهم رجال لابسين ليسة ديال بوليس) علاش لي متكونش راجل وتواجهني فاص هانا جيت تال عندك...
عباس:(تصدم وشاف فتايكة) حياتك كلها ونتي مكلخة جبتيهم انا عندنا بلا شك تبعوك...
تايكة: اولدي ويليام عفاك غير سمع...
ويليام: عندي سؤال واحد...واش كان عندك دخل فموت بات وأم رودينا؟؟
تايكة: لا لا انا مدارت والو هوما تلقاو ليهم بانضية...
ويليام: هههه كاين شي بانضية حتى قد سي عباس.. دابة صافي راك محاصر مكينش أمل تهرب غير اعتارف..
عباس: متحتاجش تهددني انا نقول لك حيت كنعتز بمخططاتي... هداك خوووويا ومرتو كان خاصهم يموتو..دوك فلوس كلهم لي كيجمعو لبناتهم فرنك لاش لاش؟؟ حنا أولى وزيدون بسبابو عمر تايكة مبغاتني كيما بغيتها، لا بقات معايا غير باش يجي نهار تنتاقم...ولكن انا نتاقم ليها وليا...ديك لخطة ديال البانضية كانت فكرة خطيرة ونجحات 100%
أنت تقرأ
كاوري في الدوار
Romanceقصة بطابع كوميدي... كاوري كيزور دوار بسيط فيه بنت هبيلة غاتخرج ليه لعقل... بسباب حادت بسيط غاتولي مكلفة بيه وتاهو غايلقاها سبة حيت فعلا هاد لبنت خلاتو نسا كلشي وكيعيش معاها مغامرات....
