⭐كاوري في الدوار ⭐
🌛بارت:78🌜
وصلو مليكة انيس او سمية مدينة مشاو بعدا واحد قهوة فطرو فيها حيت كانو باقين بلا فطور عركوها مزيان او توجو نكافة لي كان خداو منها رونديفو مشاو ستقبلاتهم بحليب تمر حيت انيس ختار نكافة واعرة عندها شي تشكاط فريع بغا يكبر بسمية حيت تستاهل
سمية صارحة عجبني حال بزاف هادشي واعر تسقبلتنا بواحد طريقة زوينة او تتهضر غير بلالة او سيدي حيت براسي انسانة مهمه دخلتنا بيت لي نختارو فيه كروسي طاح عيني على واحد كرسي بشكل قلب تيهبل هو لي ختاريت انيس معارضنيش مسكين قاليا نتي عروسة كلشي ختاريه على دوقك حيت تايق فيا انا فرحت بزاف بهاد كلام حيت فعلا انيس رجل تمناه اي بنت تصلي او محترم ميتفرض عليك والو تيعطيك رايو او يخليك تقتانعي بيه بدليل حجة او معمرو نساني او تيبغيني هادا هو مهم عندي
ختاريت 8 لباسات حمرة،خضرة،بيضة،موف،سمو،زرق،شيبي اخيرا لبسة عروسة هي لي هبلتني واعرة جات سانبل بكمام او مفتوحة شوية من صدر مشبكة
تفقنا معاه مني سمعت تمن تصدمت 8 مليون
سمية: اويلي بزاف غير خليها نشوفو واحدة اخرى(تنهدر بيكة تخرج ليها من شعري )غالي عليك انيس
مليكة:تاحاجة متغلا عليك
سمية: ولكن خالتي بزاف هادشي
انيس: لالة عروسة عرسك هادا انا علاش مشيت فرنسا غير نخدم على مرتي او والديا اذن صافي خير موجود نساي وسخ دينا فايت(باس ليها جبهتها قداهم)
سمية حشمت هي طلق حنجرها نكافة تقفزهتم بصلاة سلام بداو يضحكو خرجو من عندها داها واحد صالون تجميل تفاهمو مع مولاتو نيت دخلتها قطعو ليها ليبوان او غدير ليها ليميش عجبها حال مليكة انيس خلاواها مشاو يخادو ليها شي كادو واخا عريس ضروي كادو عروسة تمت عريس تعطيها كادو مشاو عند مول ذهب كلا اش ختار مليكة ختارت طاقم كامل خاتم سنسلة او براصلي او طوانج(انضر صورة) انيس ختار ليها خاتم جاو سانبل او وسطو حجرة دياموند طلب منو ينقش عليه اسمائهم بجوج
تسناو تكمل ليهم كلشي خرجو فرحانين او مشاو تاني خدا لختو فطيطم تطشيكة او سباط ساك كادو ليها باش تحضر رجعو عند سمية لقاوها سلات تاهي تتسناهم كانت ساعة 3 عشية
انيس مني شافها بليمش عجباتو بقا تيدير فيها شي شوفات خطيرين هي فهماتو تزنكت او دارت زيفها او خلص او خرجو
انيس: يلاه بصحتك لالة دابا نمشيو نتغداو واليدة
مليكة: مكرهت اولدي شي شواية كفتة
انيس : هي لولا نتي سمية
سمية : تا انا فيا جوع نيت
ضحكو مشاو مجموعين يضربو مع راسهم شواية
وصلو طلبو لي بغاو انيس تهلا فيهم مكاين غير كفتة او كوطليك او قتبان اتاي خبز سخونين كامون مليحة او عركوها مزيان انيس وصا سرفور يصاوب ليه كلا شوايه من هادشي بوحدو على حساب فطيطم او خوه او باه او رودينا تاهي
كملو جمع ليهم داكشي كانت 5 عشية توجهو دوار تاني
أنت تقرأ
كاوري في الدوار
عاطفيةقصة بطابع كوميدي... كاوري كيزور دوار بسيط فيه بنت هبيلة غاتخرج ليه لعقل... بسباب حادت بسيط غاتولي مكلفة بيه وتاهو غايلقاها سبة حيت فعلا هاد لبنت خلاتو نسا كلشي وكيعيش معاها مغامرات....
