كاوري في الدوار

⭐كاوري في الدوار⭐ 🌛بارت80🌜

🌟كاوري في الدوار🌟
🌛بارت: 80
رودينا خرجات من كوزينة ودموعها سايلين.. أول حاجة كتفطر فويليام لي دا قلبها معاه ومكرهتش تشوفو مرة خرى ولكن كترجع تفكر أنها قالت كلمة وحدة وهو مشا وخلاها، رجع فحالو كاع ومفكرش حتى يقوليها بسلامة..كتزيد تبكي وهي كتحسر على أشنو مخبين ليها ليام وهاد عدنان لي من صغر وهو مهووس بيها... مسحات دموعها وتبدلات ملامحة ديالها من لبنت لمكسورة، لمجروحة لخايفة..لبنت قاصحة قوية وباردة...
سمية:(دخلات عندها للبيت) حبيبة ختها!!
رودينا: لالة لعروسة أهلييين..
سمية: هههه لباس علك؟؟ كيدير مورال؟
رودينا: هانا حمد لله هاد ساعة
سمية:(شدات إدين ختها بين إيديها) أش غاديري؟؟
رودينا: دار ليا!! أش غاندير ؟ هاا أش عندي مندير؟؟
سمية: شوفي انا عارفاك ساكتة حيت هددك وباينة كاينة غير انا لي غادي يهددك بيا... داكشي علاش جيت نهدر معاك...
رودينا: متفكري فوالو انا معاك ومعمرو يقيس شعرة منك...
سمية: سكتي شوية دايرة فيها وااعرة تي ريحي لرض وسمعيني..معندك لاش تقبلي بهاد الزواج..حنا غير غايسالي لعرس غانمشي مع أنيس لكازا..وغادي يكري لينا دار تما انا ومو وخوه ياسر وفطيطيم..دكشي علاش كنقولك حنا غانديوك معانا مغنخليكش لداك لحيوان..(صونا تيليفون ديال رودينا) ..
رودينا:شكون معيط ليا من أنكوني..
سمية: فين جات هاد أنكوونو يتكما ويليام..
رودينا: واااع أسمية راك خرجتي من لقرايا غير فكطريام مال مك مكلخة..
سمية: حنااك انا ... متلي انا غانعرف كاع الدول هاويلي حي..
رودينا: سكتي خانجاوب...ألو (تاحد مكجاوب) وا ألووو (والو تاحد مادوى) ياغدوي ياغانقطع..
ويليام: رودينا صافا؟
رودينا:(عرفاتو وصوتها تسرط) احم شكون معايا؟؟
ويليام: ههه انا داك لولد لي هرس كتفو باش يصيب لك بارابول..عرفتيني ولا نزيد نفكرك؟؟ ااه انا داك لولد لي حك حريكة على قرصة ديال عقرب غير باش ضحكي ولكن هجرتو ملي جا لحاج زف عليا بعصا لراس...
سمية:(سمعاتو حيت تيليفون كسمع) ههههههه وااااع انا غنخرج نخليكم دويو(دارت ليها إشارة تقوليه على عدنان)..
رودينا:ولاش معيط أخويا؟؟
ويليام:توحشتك
رودينا:(سكتات وكتمسح دموعها كتحاول متشهقش فتيليفون) ممم توحشك لخير..
ويليام: معجبنيش صوتك مالك؟؟
رودينا:(كتفكر واش تقوليه ولا بلاش)والو غير عيانة..
ويليام:رورو توحشتك حسيت بطرف مني خليتو معاك..
رودينا:(حابسة دموعها) مممم
ويليام: مالكي واش تال هاد درجة مبغاش دوي معايا؟؟ (قررات تقوليه أشنو كاين ولي ليها ليها) رورو سمحي ليا مشيت بلاما نعلمك وماعيطتش راه كنت مشطون مع ماما جاتها أزمة قلبية وياله خرجوها من إنعاش...
رودينا:(بدلات رأيها مبغاتوش يخلي مو ويجي يعونها)ودابة ماماك شوية؟؟
ويليام: اه لباس عليها (تسمع صوت بنت فتيليفون وكتهضر بالدارجة قالت ليه انا غنسبقك للدارجاوبها ورجع كيدوي) رورو واش نتي  بيخير؟ حاس بك ماشي هي هاديك..
رجعات سمعات صوت قالت ليه غنتسناك لعشا...رودينا قطعات عليه وشيرت بتيليفون تضرب مع لحيط تشتت... بربي لي شانو عضيم تانهرب ليومة ونمشي نعيش بوحدي مامحتاجة لتاحد تااااحد حابسة دموعها ومقوية راسها...