🌟كاوري في الدوار🌟
🌛بارت:57
ويليام خرج من عند سمية وياله بغا يمشي للكوري لقديم لي رجالو نقاوه وقادوه ولا لمقر ديالهم فيه جميع ألات المراقبة ...الدوار كلو ولا كميرات دخل لجميع الديور الضو غير باش كميرات يكونو ديما خدامين.. ياله خرج سمع صوت سمية غوتات ختي حس بقلبو كتقطع .من حد رودينا بعيدة عليه والإنسانية لي عندو كيحس بيها غادية وكتلاشى وقلبو كرجع حجر، غير كتخيل صورة ديالها كبتسم وكرجع داك دفأ للقلبو..
رجع دخل للدار رودينا ومشا ديريكت عند سمية وعنقها وكرز عليها وقال فودنها...
ويليام: شوفي تملكي أعصابك وبغيت هاد لهضرة تبقى بيناتنا... الدار لي مشينا ليها فعلا كانت فيها رودينا وخلات مساج (رجع شاف فيها أومات ليه براسها راها واجدة رجع عنقها وهمس)خوك باقي حي..
كرز عليها مزيان باش تمالك أعصابها وملي طلقها كانت بتسامتها كبيرة ودموعها سايلين ترمات هي فحضنو هاد لمرة وهمست..
سمية:لقى ليا خوتي ورجعهم لدارهم عفاك
ويليام:(كرز عليها) ماتخافيش كنواعدك
أنيس: واصافي من تعناق..
فطيطيم:(ضاحكة وكتنخصص بلبكا) غرتي أخويا غرتي هه
كلهم ضحكو واخة فوق قلبهم إلا ويليام لي نار شاعلة فقلبو...خرج وغادي ديريكت للمقر غير ظخل ومشي لجيهت واحد لبلاصة دارة بحال مطمورة لقا دوك زوج رجال لي كانو مقتولين قدام باب لحمام فديك الدار لي مشا ليها ... شاف فيها ودار إشارة لكارد هزوهم لاحوهم فمطمورة وكبو ليسانس وهو حاضيهم وجا لكارض لعندو وعطاه بريكة.. شعل ويليام بريكة ولاحها وكيشوف فلعافية شاعلة وعينيه ولاو يبانو بحال ديك لعافية حتى حس بإيد تحطات على كتفو دار لقاه سام..
سام: زعمة إلا حرقتيهم تبرد ديك نار لي شاعلة فقلبك؟؟
ويليام: عاد ماكتزيد تشعل كتر..
سام: جبت لك سكوتش لي عزيز علك (نوع ديال شراب قاصح)
ويليام: ماباغيش نشرب..
سام: علاش راه غايعاونك تهدن وتنسى..
ويليام:(بغضب) مابغيش ننسا..
أيمن: بوص!!
سام:(حبس ضحكة) بوص كااع؟؟
أيمن:(خنزر فيه) ماشي وقت ضحك هادة
سام:(ههه)سمح ليا..
ويليام:(بتاسم بلا مايشعر..هادشي علاش واقلة مخليه معاه حيت كيضحكو وكيعونو يلقا داك دفأ لي قلبو محتاجوو) أش كين؟؟
أيمن: لقينا بصمات بزاف فديك الدار ولكن وحدة غتكون ديال داوود حيت لقينا معلومات بسميتو ولكن كنية مبدلة...
ويليام: (شاف فزوج لكارد واقفين مورة أيمن) نتوما هادشي لي كيقول بصح؟؟ واش لقيتو عنوان؟؟
كارد: وي بوص راه بيبي بوص..
سام:(قاطعو) بلاتي بلاتي بيبي بوص؟؟baby boss
كارد:احم وي بيبي بوص بغا هو لي جي يقولك أخبار بنفسو..
أيمن: غير سيرو نتوما أنا غندوي معاه..
سام:(مقدرش يصبر تكرشخ بضحك) وااااع هههههههه بيبي بوص خخخخخخخ
أنت تقرأ
كاوري في الدوار
عاطفيةقصة بطابع كوميدي... كاوري كيزور دوار بسيط فيه بنت هبيلة غاتخرج ليه لعقل... بسباب حادت بسيط غاتولي مكلفة بيه وتاهو غايلقاها سبة حيت فعلا هاد لبنت خلاتو نسا كلشي وكيعيش معاها مغامرات....
