ابتسامة حزن

ابتسامة حزن/الحلقة"12"

جمال:تحسابني مش فاطنلكن..تي تضحكن علي من.
انا:تي شن تخرف انت.
جمال:......
انا:جمال خفف السرعه.
جمال:"يمشي بسرعه و ما يبش يرد عليا"

وفجأة طلعت قدامه سياره...حاول يتفاداها بس ما كنش عنده حل غير انه يطلع من الطريق وفعلاً هذا الي داره بس للأسف ما تحكمش في السياره وخبطنا في عمود الضي.

انا:"اغمى عليا مش عارفه من الفجعه ولا من قوة الخبطه"

لان العمود كان من جيهتي انا.

جمال:"التفت شوري بخوف" أمل..صارلك شي..اامل.

وهذا اخر شي سمعته..

_________

سناء:الو جمال وينك امل ما روحتش لحوشهم...مش على اساس ماشي تجيب فيها.
جمال:انا في المستشفى.
سناء:عند حمزه.
جمال:تي تو نجي ونفهمك امل معايا ما تخافش عليها.
سناء:جماال شن صاير.
جمال:"سكر الخط".

كنت قاعده مع الدكتوره جوا...وخش جمال.

جمال:ها يا دكتوره شن وضعها.
انا:قتلك مافيا شي.
جمال:ما نسألش فيك.
الدكتوره:الفتره هذي في ضغط عليها هو الي موترها...ممكن الحادث زاد عليها بس هيا تمام ما فيهش شي.
جمال:ماشي تمام شكراً.."التفت شوري وفنص فيا"هيا وتي روحك انتي.
انا:وجهك سمح بروحه مش ناقصة.
جمال:هههه هيا يا فرخه..
الدكتوره:معلش يا استاذ ممكن تجي شوي.
جمال:حاضر..
انا:نمشي معاك.
جمال:ما نلقكش متحركه من هنا.
انا:حاضر.

طلع جمال للدكتوره وانا لحقته نبي نسمع شن تقوله.

الدكتوره:جمال اسمك صح.
جمال:اها.
الدكتوره:تمام..يا جمال..الواضح ان مراتك عصبيه.
جمال:كيف¿¿..لا انتي فاهمه غلط.
انا:هههههه.
جمال:"التفت شوري"شن قتلك انا..هذي عصبيه...تي هذي مفش ابرد منها.
الدكتوره:هههه اها قريبتك بس هيا.
جمال:بنت عمتي.

وحكت الدكتورة مع جمال وكتبتله على ابره ودواء.

لما طلعنا..

جمال:مره اخرى بعد نقولك حاجه تديريها.
انا:ليش ان شاء الله.
جمال:لانك مرتي..ههههههه
انا:ترى خطاني بلا براده.

تكى جمال ع الصيدليه..خذا الحاجات وطلع.

جمال:"مدلي الكيس"امسكي.
انا:شني هذا.
جمال:دواك.
انا:لا ابره ما نبش.
جمال:اوكي خلاص موتي.
انا:جمال بلا براده.
جمال:تو تعطيها لك سناء الابره..
انا:ما نبهش ردها.
جمال:تعرفي تسكتي وجعتيلي راسي.

_________

روحنا لحوش جدي لقيت سناء مسكينه خايفه...قاعده ترجى فينا في الجنان.

سناء:امولي شن في.
انا:في واحد متخلف خبطنا في عمود الضي.
جمال:حسابك بعدين انتي مزال في كلام بيناتنا غير توا مش فاضي.
سناء:شن في.
انا:تو نحكيلك بعدين.
وخشيت.
سناء:شن يبي يصير بعدين انتم الاثنين معلقين على نفس الكلمه.
انا:تو نحكيلك خليني نتريح شوي.