اماني:احكيلي باهي شن صار.
انا:"ما عرفتش شن نقوللها"ابراهيم قالي ما تحكش اي شي يصير بيننا.
اماني:باه يا مؤدبه.
انا:هههه ازي عليك يا حقيره...خطرها سناء كنها ماجت.
اماني:ما سمعتش جمال دار حادث يوم فرحك.
انا:كيييف¿¿شن وضعه توا
اماني:الدكتور قال وضعه حرج.ورن فون اماني.
أماني:اكيد اكرم جاء...ردي بالك من روحك.
انا:ان شاء لله..سلمي عليهم.
اماني:يوصل.اول ما طلعت اماني حسيت بحاجه خنقتني...معش قدرت نتحمل...فتحت الرواشن بالكي نقدر نتنفس بس خلاص انخنقت...ومعش شفت شي.
______
خش إبراهيم للشقه...
إبراهيم:امل..اامل.
وخش للدار لقاني طايحه جوا.
إبراهيم:"رفعي وحطني عالسرير"امل نوضي..
رش عليا ميه...وبخ عطر ع يده وقربه مني.
ونا دوبني فتحت عيوني
إبراهيم:"حسيت الفرحه انرسمت ع وجهه" حبيبي شن صار كنك.
انا:لالا مفيش شي بس حسيت بضيق ممكن لان الشقه كانت مسكره.
إبراهيم:اها..لو تحسي في شي نشيلك تعايني.
انا:لالا مافيش شي.
إبراهيم:باهي نوضي تعشي...اكيد لانك ما كليتش شي.
انا:باهي شوي نغير ونجي.
إبراهيم:باه...
وطلع قعد في الصاله.غيرت وهالمره لبست توته..بس كانت قصيره شوي..وكت...ع الاقل احسن من الروب يلي قبلها.
طلعت لقيته يستنى فيا.
إبراهيم:لو تبي تاكلي بروحك عادي.
انا:لالا تو ناكل معاك.تعشينا و غسلت سفرة للعشاء وخشيت للدار...لقيته قاعد ع السرير يدخن.
انا:قصدك تبي ترقد هنا انت.
إبراهيم:منش قاربك...الا برضاك...تقدري تتريحي.
انا:وشن ضمني انا.
إبراهيم:"كان راقيله وشد يدي بالقوه وقربني منه وعيونه كانن حمر ويخوفن"يا فرخه خلاص تحملتك وااجد راه...
انا:"من الخوف عيوني تعبن دموع"ااا إبراهيم يدي..نحس فيها اطلق.
إبراهيم:"ضغط عليها اخرى"
انا:اااها يدي..اطلق.
إبراهيم:"طلق يدي...وطلع من الدار"معش عرفت نبكي ع زواجي الي مش برضاي...ولا ع جمال يلي قاعد في المستشفى بسببي...خلطت عليا من كل الجهات ومن كثر البكاء رقدت.
______
روح خالي محسن...ولقى سناء مازالت واعيه تستنى فيه.
سناء:ها يا محسن شن قالولك.
خالي:ما تغير شي الحادث قوي...وعنده نزيف داخلي.
سناء:تمت تبكي وحالتها حاله..
خالي:اهدي بس ان شاء الله يصير خير...
سناء:كلا مني يا محسن...مني انا.
خالي:تي شن الي منك.
سناء:هو قالي يبي امل..وانا ما بتش نقوله مخطوبه لان هيا مش راضيه ع الخطبه...قلت مش رح يصير منها.
خالي:استغفر الله العظيم..
سناء:"تمت تبكي أخرى"
خالي:تي ما تقوليش منك...قضاء ربي هذا...خلاص اهدي ما يصير الا الخير.
أنت تقرأ
ابتسامة حزن
Dla nastolatków______روايات باللهجة الليبيه_______ ((----للكاتبه لولو المغربي.----))