الساعه2 في الليل•رن فون سهى بحتت لقت خواتها راقدات طلعت للجنان•
سهى: الو•
سراج: ابرمي ع الحوش جايين توا•
سهى: ماما معاك•
سراج: اها نوضي خواتك ابرمن ع الحوش كله خير ما تزعل امي•
سهى:كنك،،، صوتك مش عاجبني•
سراج:لا ما كني شي غير ديري يلي قتلك عليه•
سهى: حاضر•
سراج: سلام•
خشت سهى نوضت البنات وبرمن ع الحوش كله•
وجت الساعه 4 الفجر وهم مازالو ما جو•
سهى: غريبه طولو•
سجود رني عليه•
سهى: باه•
رنت عليه في الاول ما ردش وبعدين رن عليها•
سهى: وينكم•
سراج: اا قدام الباب افتحي•
سهى: حاضر..اسراء افتحي الباب•
مشت اسراء فتحت الباب وخشو إبراهيم وسراج•
ومعاهم عمتي•••
إسراء:"عيطت بصوت عالس" ماماااا•
وقعمزت تمت تبكي•
خشو إبراهيم وسراج شايلينها بينهم خششوها للدار وحطوها ع السرير•
سهى: ليش شايلينها هكي كنها•
ابراهيم: "غطالها وجهها" ما ترفعنش من عليها•
وطلع والدموع ماليات عيونه•
سراج: "يبحت في خواته ومش عارف شن يجير"•
سجود: سراج ليش غطيتو وجهها•
سهى: لالا ما تقولهاش،،"وقعمزت تمت تبكي وتخبط في وجهها"
سراج: عظم الله اجركن"حاول يمسك دموعه بس بعد شاف شكل خواته دموعه نزلن"
سجود: "مشت لعمتي وحضنتها وتمت تبكي" لالالا ماما نوضي،،، ما تقعرينش يا ماما نوضي،،، ما تحرقش قلب بناتك،،، ماماااا•
سراج: "شدها وحضنها،،، وقعد يبكي معاها" خلاااص ادعيلها بس•
خشو زياج وعلي من برا•
مش مصدقين ان امهن خلاص مش قاعده•
زياد: "مشى لعمتي باس راسها،،، وقعمز قعد يبكي" اسف،،، اسف يا امي•
________
نضت صليت الفجر،،، وطلعت للجنان،،، وقعدت هايمه،،، حسيت بغصه وقلبي مضغوط،،، كان خاطري نبكي بس الدموع جفن خلاص•
جمال: كنت عارف بنلقاك هنا،،، بس لليوم ما تبكش كويس•
انا: خلاص معش في دموع•
أنت تقرأ
ابتسامة حزن
Genç Kurgu______روايات باللهجة الليبيه_______ ((----للكاتبه لولو المغربي.----))