اميرة:"تمت تبكي" يا امل انا انحب ايمن والله انحبه..بس ما نقدرش نتجوز الموضوع مش في يدي•
انا: ليش؟!! مادامك تحبيه ليش ما تتجوزيه...شن السبب•
اميرة: "تبكي ومنهاره"ما نقدرش انا مش كيف اماني..ماحافظتش ع روحي..انا غلطت ونستاهل كل شي اصلا•
انا:"انصدمت من كلامها..بس ان شاء الله فهمت الموضوع غلط"شنيييي؟!!
اميرة: انا مش بنت..
انا: هييي كيييف..كيف درتي هكي..غبيه انتي•
اميرة:"تمت تبكي اخرى" نحسابه يحبني صح..ما توقعتش يضحك عليا•
انا:من هو؟!!
اميرة: خالد•
انا: من جدك..تي من نحن صغار عارفين خالد لنورا•
اميرة: انا كنت انحبه...واساسا يلي صار هذاك اليوم صار فجأة وما خليتش يكمل انا...بس لما فحصت الدكتوره قالتلي خسرت عذريتي•
انا:"قعدت نبكي يعني ضروري في حياتنا تطلع حاجه تدمرنا"
اميرة:اا اسفه والله اسفه•
انا: "ما ببتش نزيد عليها ونلومها ع الموضوع لان يلي فيها مكفيها" تعالي ياعمري"وضميتها" الغلط مش غلطك..هو غلط الحقير يلي اسمه خالد..ما تخافيش بنحاول نساعدك..انا معاك•
حسيتها تريحت بعد طلعت كل شي من قلبها..بس صعبه نخليها تكمل مع ايمن..ما نقدرش نردها زي قبل صعب•
خشيت انا واميرة رقدنا اخرى لان الحوش كله مهمد•
__________
ابراهيم:"نزل لوطه لقى خواته راقدات انفصل"نوضن وانتن ديما متمرقدات.."وحول من عليهن البطاطين"•
سهى: تي كنك ع الصبح...بالك راقده مش لابسه شي..معش تعاودها الحركه هذي•
إبراهيم:"مسكها من حنكها" انتي بالذات سكري فمك مازالت معلمه منك...امشي ديريلي فطور بسرعه مش فاضي نبي نطلع•
سهى: "دفاته" تحمل نتيجت اغلاطك بروحك..نحن ما دخلنش..امشي رد مراتك تديرلك فطور•
إبراهيم:تردي عليا انا يا&#!!*."وشدها من شعرها..وبدا فيها ضرب"•
سجود: وووك عليا...لا يا إبراهيم...خلاص الله يربحك اطلقها•
اسراء: حول خلاص شن هالنكد ع الصبح•
سجود: امشي كلمي سراج يتفاهم معاه•
مشت بسرعه كلمت سراج وجت•
سراج:"شد إبراهيم شوره" انت تبي تعقل ولا نعرف كيف نعقلك•
إبراهيم: ههههه عن جد المهزله انت تعقلني•
سراج: امشي لشقتك هنا معش نحق وجهك•
إبراهيم: حوشك وانا ما نعلم•
أنت تقرأ
ابتسامة حزن
Novela Juvenil______روايات باللهجة الليبيه_______ ((----للكاتبه لولو المغربي.----))
