ابتسامة حزن

ابتسامة حزن/الحلقة"18"

خشيت لقيتهم ملتمين..خشيت سلمت عليهم كلهم.

ماما:باهي الي اذكرتي ان عندك حوش...ما تغيرش دبشك طالعين للسوق.
انا:عليش شن عندكم.
ماما: نبو نوتو بتاتك...الفرح قدموه.
انا:نعم...انتم شن قصتكم...تاخذو في قرارات بالنيابه عني.
ماما:مش وقتها الدوه الفاضيه هي اطلعي.
انا:ما نبش عدو اشرو برواحكم.
احمد:تعرفي تطلعي وانتي ساكته راه نخربلك وجهك.

طلعت معاهم والدموع ماليات عيوني يعني معقوله يخرلولي حياتي هكي...هذوما الي هلي دارو هكي معناتا البراني شن يدير.

شرينا اطقم وحاجات للمطبخ..وروحنا لان الجو كان حمو وزحمه...وطبعاً كل شي اختاراته ماما انا ماشيه معاهم منظر بس.

روحت للحوش رقدت طول من التعب...وع العصر جت نسمه كسدت معايا..او وريتها الحاجات الي شريناهن

نسمه:باهي شن تبي تديري توا.
انا:خلاص رضيت بالامر الواقع شن نبي ندير...الله غالب.
نسمه:اووف..انتى عطيه فرصه بلكي يكون كويس.
انا:ان شاء الله.
نسمه:شفتيه.
انا:لالا..احمد قال لا لان هو شايفني معاه وانا مش شرط نشوفه.
نسمه:عنجد هكي.
انا:ههههه أكرم قالي طرف.
نسمه:ههههه كلا خوك هذا مفش منه اثنين جوه يهبل.
انا:ازي عليك صحبه غبره هيا عايشه اللحظه مع خويا وانا نبي نتجوز واحد ما نعرفش.
نسمه:ههههه
________

ومشى الوقت ومازال...21 يوم ع الفرح.

وجت ايناس قعدت عندنا...بيش تساعدنا في التجهيز للفرح

انا:نوسى شن في كنه حالتك هكي.
إيناس:لالا مافيش حاجه.
انا:من امتى تخبي عليا.
إيناس:منتصر راقيله بكل. او وضعنا مش مستقر الفتره هذي كل شوي نتعاركو.
انا:عليش هذا كله.
إيناس:بصراحه هو يبي عيال...حاولنا كم مره ماصار شي.
انا:باهي مشيتي للدكتور.
إيناس:مشيت قالي مافيك شي.
انا:معناتا الموضوع فيه هو قوليله يمشي.
إيناس:قتله لكن هو مسكر راسه مايبش يمشي.
انا:وكيف يبي عيال معناتا يسكر فمه ويرضى بالوضع...مش تسكير رأس هوا.
إيناس:ههههه تو نشيلك معايا واحكيله هكي بالك يفهم هههه.
انا:ايووه ههه.

مشت ماما واماني لعيت جدي وانا واميره وايناس قعدنا في الحوش..

"من اخر مشيه لحوش جدي بعدها معش مشيت خفت نتلاقى مع جمال...وخصوصاً بعد ما عرف بموعد الفرح....قعد فتره يتصل بس انا ما نردش لان ما عندش شي نقوله له".

وجاء يوم الفرح...وطبعاً مشت معايا إيناس للمزين...مش عارفه طلعت حلوه ولالا لان ما كنتش مركزه ع شي ومرتبكه
وخايفه ننصدم في العريس ويطلع كبير ف العمر.

كانت إيناس جنبي وتحاول تهديني لا من الخوف عيوني تعبن دموع....والمكياج خرب كم مره...

إيناس:امولي خلاص من اليوم تبي تبدي من جديد...انسي كل شي فات خلاص.
انا:خايفه يا نوسى.
إيناس:ما تخافيش نفش شي يخوف...بس حاولي تتاقلمي مع الوضع.
الكوفيرا:خلاص كملت...طالهه تجنني...بس ماولتي صغيره.
إيناس بصوت عالي:في واجد اصغر منها اجوزن عادي.

ورنت إيناس ع احمد جاء خذانا...واول ما خشيت حسيت بربكه غريبه..

جن اماني و ايناس خششني و اميره خشت بالفاسوخ "طبعاً هذي عوايد ماما"...خشيت ع الاسماء الحسنه...وحسيت الكل يبحت فيا التقطت من الربكه وقريب طحت..ومسكتني إيناس.

إيناس:اهدي عاطيه الموضوع اكبر من حجمه ما تخافيش.

رقيت ع المسرح وقعمزت وقعدت جنبي إيناس...

والجو كان حلو بس انا كنت خايفه...عجبني جو الاغاني والفرقه ع شوي كنت بنصبي نرقص معاهن ههههه

العريس ف الاول ما يبش يخش...بس خواته اصرن عليه وخلنه يخش.

هو بروحه كان مرتبك وخش سلم عليا وطلعنا ع السريع ما طولنش...والواضح انه معقد.

لما شفت ماما تبكي قعدت نبكي حتى انا...جت اخته مسحتلي دموعي.

سهى:خلاص يا هبله معقوله تبكي او تخربي مكياجك.
انا:"ازلطت نزلت وجهي لوطه وابتسمت".

وطلعنا.

طلعنا وركبني في السياره وكان هو الي يسوق.

؟؟؟:وأخيراً انتي ليا حتى لو كنتي ما تبينش بس رح تقعدي ليا انا بس ههههه
انا:"التفتت شوره وانصدمت لما شفته" .......

________

إيناس:ماما انا مروحه لحوشي ما تعبش روحك باهي.
ماما:باه...سلمي ع منتصر.
إيناس:يوصل.

روحو المعازيم كلهم....وروحن ماما والبنات.

اماني:شفتي كيف قعدنا بروحنا..
اميره:الحوش تما فاضي..
اماني وهي تبكي:اووف تعالي ارقدي معايا..

خشت اميره مع اماني في سريرها....وكملنها بكاء..

_______

سناء:جمال اهدى معقوله هذا كله ع بنت.
جمال:ليش ما قلتيلي من الاول ليش ما قلتي انها انخطبت...قبل ما نحكيلها ونعيش روحي في وهم..ونصبح ثاني يوم نلقى كرت فرحها قدامي.
سناء:ما نبيش نجرحك.
جمال:بالك اهون من توا.
سناء:خلاص اهدى او تلقى احسن منها من حد البنات هيا.
جمال خبط يده في الساس:تي كيف تفهمي انا نحبها هيا عارفه شن معنى نحبها.
سناء:جمال هذا النصيب الله غالب.

طلع جمال وسيبها بروحها...وسناء طول الليل وهي تندم في روحها...رنت ع جمال كم مره ما ردش...طلعت شافاته في المربوعه ما لقتش.

طلعت للجنان لقت معتز مكسد ع فونه.

سناء:ازي عليك برادة دم...
معتز:كنك.
سناء:خوك وين.
معتز:طلع بالسيارة توا مش عارف شن خطرله.
سناء:باهي رن عليه...ولا اطلع دوره بسرعه.
معتز:تي كنك شن في.
سناء:تي امشي توا.
معتز:باه.

طلع معتز يدور في جمال...شوي ورن ع سناء.

سناء:شن صار.
معتز:ما لقيتش سألت اصحابه قالو مش عارفين وينه..
سناء:حي على امي...باهي أسأل حمزه ولا احمد امشي دير حل.
معتز:عليك قصه باه باه.

سناء كلمت خالي محسن قالته دوره.

خالي:شن صاير فهميني قبل.
سناء:طلع من الحوش راقيله
خالي:كنه من شن راقيله.
سناء:امشي توا...وبعدين نحكيلك.

طلعو خالي محسن ومعتز...وسناء طول الوقت وهي تبرم في الحوش وتندم في روحها.

بحتت الساعه لقتها2:30...طلعت للجنان وقعدت تستنى لحد ما جت الساعه 3:00...ورنت ع خالي محسن.

سناء:ها كيف صار وينكم.
خالي:.....
سناء:كييف¿¿•

#يتبع.