خش إبراهيم كلم زياد و خذوه معاهم بعد ما فاسو الحوش كله
____________
رن فوني ورديت طول•
انا: هلا شن جوك أماني•
اماني: مش تمام في مشكله عند عيت عني•
انا: شن في جو كويس•
أماني: كويس كويس لكن الشرطه خذت زياد وخشو فتشو يدورو في جو•
انا: جمال•
اماني: شني•
انا: اكيد جمال بلغ فيهم•
اماني: تي شن يحس هذا ما تقوليش تكلمي فيه من جدك•
انا: اماني انا انحبه مش في يدي الموضوع وبعدين هو يبي يساعدني•
اماني: باهي اوكي توا باي•
سكرت من اماني ورنيت ع جمال طول•
انا: جمال اا ..
جمال: ما تسألينش ليش..اطلعي توا نبيك•
انا:جمال•
جمال: اطلعي بس•
انا: اا باه شوي بس•
جمال: بسرعه•
شفت ماما لقيتها راقده طلعت بسرعه فتحت الباب وخش جمال في يده كيس كبير عطله ليا•
انا: ههه شنو هذا•
جمال: هدية صغيره•
انا: ههههه هذا كله صغيره•
جمال: مازال ما شفتي شي هديتك الثانيه جو•
انا: جمال ليش تدخل في روحك في مشاكل عشاني•
جمال: "قعمز ع ركبته وطلع الخاتم من جيبه"لاني انحبببك،،ولانك بعد يومين بتقعدي حلالي•
انا: "انصدمت وقعدت نبحت فيه"•
جمال: ههههه خير كنك مصدومه•
انا: مش عارفه ما توقعتش الشي هذا منك•
جمال: توقعي ياروحي،،،شني بتلبسي الخاتم ولا نشيله لميار😒
انا: ناقصه غير الفرخه هذي تأخذك مني•
جمال: نعليا منه الغيور•
انا: "ابتسمت وطبست رأسي"•
جمال: هههه شنو الطروح خذينا جديد عليا جو الحشم هذا•
انا: ههههه بيبي خلاص بنخش•
جمال: تؤتؤ اليوم منش مروح خليني نهيج في الحرام شوي😅😅
انا: ههههه تي امشي خلاص كان يشوفك بابا تقعد ديما تهيج في الحرام•
جمال: زعما😅•
انا: هه خلاص امشي•
جمال: باهي تعالي سكري الباب وراي•
أنت تقرأ
ابتسامة حزن
أدب المراهقين______روايات باللهجة الليبيه_______ ((----للكاتبه لولو المغربي.----))