فتته بعد طول يرن قالتلي ردي عليه...رديت وقبل ما نحكي سمعت صوت ماار عليا وااجد•
جمال: ايوه شن جوك يا سوسو•
أنا: "عيوني تعبن دموع مع اني ما كنتش نحبه بس كان في شي بيناتنا في شعور ما حسيتش إلا مع جمال" مش سناء انا لحظه رح نعطيها الفون•
جمال: اا أمل...أمل انتي•
أنا: "قعدت ساكته''•
جمال: ردي عليا•
خشت سناء بحتت فيا مستغربه•
سناء: كنك تبكي من الي ع الخط•
أنا: "عطيتها الفون وطلعت للجنان لان ما قدرتش نتنفس"•
سناء: هلا جمال•
جمال: الي ردت توا امل سمعت صوتها•
سناء: اها هيا•
جمال: عطيها الفون نبي نحكي معاها•
سناء: طلعت•
جمال: اها•
سناء: ليش فونك مقفل الفترة يلي فاتت•
جمال: قصة طويلة•
سناء: جمال شن في احكيلي•
جمال: "تغيرت نبرة صوته كانه حابس كلام وااجد جوا"مافيش شي مرايف عليكم بس•
سناء: "سمعت صوت جنبه كان الكلام اجنبي ما فهمتش بس كانت نبرة الصوت تخوف" جمال انت وين قاعد•
جمال: "سكر الخط"•
شكت وزاد خوفها علي جمال•
--------
ماما: أمس جو عرب يخطبو في أماني•
بابا: باه ماشاء الله...نعرفوهم نحن•
ماما: خو إبراهيم راجل أمل•
بابا: زياد•
ماما: لالا سراج الصغير•
بابا: والله العرب كويسين ماعندي ما نقول فيهم...موني شن قالت•
ماما: مازلت ما حكيتلها قلت نشاورك قبل•
بابا: كان علي انا موافق شوفيها هي في الاخير هي الي تبي تعيش معاه مش انا•
ماما: عندك الحق...خلاص تو نسألها ونرد علي العرب•
----------
أيمن: بسمة تعالي نبيك•
بسمة: هيا جايه•
طلعتله في الجنان•
أيمن: تعالي قعمزي•
بسمة: "قعمزت جنبه" كنك شن تبي•
أنت تقرأ
ابتسامة حزن
Novela Juvenil______روايات باللهجة الليبيه_______ ((----للكاتبه لولو المغربي.----))
