خش جمال للحوش منفصل•
امه: كنك شن في•
جمال: شن ملبزه انتي انا قتلك اشرطي عليها حاجه•
امها: ااا جمال أهدى•
جمال: مانبيش نهدى...انا قتلك البنت نبيها بلا شروط...يعني ما تريحوش لين تخربو #&*! حياااتي•
امه: جمال نا نبيك تريح وتهنى ما نبيكش تحصل في ولدها تربيه لها•
جمال: ما نبيش نتريح...حاجه تخصني هذي...ما حد يتدخل في حياتنا بس ونحن متريحين•
امه: هذا من توا هكي وانت مازال ما خذيتها مالا بعد تاخذها شن تدير•
جمال: استغفر الله العظيم..."وخذا نفس بيش يهدى" أمي البنت ما تزيديش عليها سد يلي صاير فيها...انا نبيها هي وولدها عادي المهم تقعد معايا•
امه: الناس تحكي علينا يا جمال سد مشيت خطبتها لك...تبيها بروحها باه لكن بولدها لا ما تفكرش فيها•
جمال: "بهدوء" واااخذها بولدها وماحد يتدخل وانا متهني هكي•
وطلع..
_________
في الليل رن عليا جمال•
انا: الو.
جمال: امتى يجي بكرة•
انا: هههه جمال معش تحكي معايا هكي•
جمال: ناعلي منه الحشومي•
انا: جمااال•
جمال: باه نبي نشوفك شوي خمس دقايق بس•
انا: لااا اصبر لحد بكره•
جمال: والله حرام•
انا: مفروض حتى كلام ما نحكيش معاك•
جمال: ايييوه بيش نخش عليك نص حوشكم بعدها•
انا: ههههه وسع بالك•
جمال: باه اطلعي هيا•
انا: تؤتؤ•
جمال: مكااره•
انا: طالعتلك•
جمال: اللسان هذا تو يريح بكره•
انا: "ضحكت بحشم" باه نبي نصكر توا تصبح ع خير بيبي•
جمال: وانتي بخير ياعمري•
________
كانن عندي خواتي وسناء...ودرنا جو الليل كله ضحك ولعب•
ثاني يوم..
لبست وطلعت وكنت نرعش مش عارفه توتر ولا فرح ولا خوف..لان وأخيراً انا وجمال اجتمعنا.."وطبعاً بيقرو الفاتحه وياخذني يعني مافيش فرح كبير بس بالنسبه ليا كان أحسن من الفرح الكبير"•
وخشت سناء تزغرت...وغنن ودارنلي جو وبعدين طلعتني سناء و خذاني جمال وركبت مع انور وسجى وايناس اختي مع معتز ومشو ورانا ودارولنا جو...
أنت تقرأ
ابتسامة حزن
Novela Juvenil______روايات باللهجة الليبيه_______ ((----للكاتبه لولو المغربي.----))
