انا: مع من متعارك•
خالي: منتصر "وبحت في إيناس"•
سناء: كييف عليش متعاركين•
خالي: والله ما نعرف...ومش عارف شن جابه هنا اصلا•
انا: ومعتز شن صارله•
خالي: قاعد في الجنان ماصارله شي•
ايناس: باهي روح منتصر•
خالي: اها روح "وخش خالي لداره"•
انا: عدي يا سناء أسألي معتز عليش متعاركين•
سناء: يستاهل معتز اصلا حتى انا متعاركه معاه•
إيناس: اكيده يبيني نطلعله•
انا: لالا ما ظنش معقوله عقولهم صغار للدرجه هذي•
سناء: هههههه معتز عقله اصغر من هكي•
انا: هههههه باهي امشي شوفيه•
سناء: قتلك متعاركه معاه منبش نحكي معاه...امشيله انتي•
انا: عنجد نمشيله انا لالا مستحيل•
إيناس: امشي باهي يا امولي الله يربحك•
انا: اووف باهي•
طلعتله لقيته مقعمز يدخن في الجنان•
انا: سلام•
معتز: "التفت بهت فيا ورمش بعيونه...بمعنى وعليكم السلام"
انا: "لما شفت وجهه معش عرفت نتكلم" اا وجهك دم كنك ما مشيت للمستشفى•
معتز: جروح اكبر من هكي عالجناهن بلا دكتور•
انا: مش وقت الدراما توا...استنى شوي تو نجي•
خشيت جبت قطن طبي من سناء وطلعت•
انا: "قعمزت قدامه وبديت نعقمله في الجرح"•
معتز: احح..بشوي ياروحي•
انا: "بحتت فيه استكيت من الكلمه"..احم...ااا عليش متعاركين•
معتز: شي•
انا: تي كيف شي•
معتز: احح...تي بشوي كنك انتي•
انا: اسفه...احكي هيا راه خيرلك•
معتز: هو قال يبي ايناس وبعدين تمى يفلم•
انا: كيف يعني يفلم•
معتز: ياعنجد الغباء...شني تبيني نقولك شن قال•
انا: هههههه اوكي فهمت•
معتز: "سكت شويا وقعد يبحت فيا"•
أنت تقرأ
ابتسامة حزن
Novela Juvenil______روايات باللهجة الليبيه_______ ((----للكاتبه لولو المغربي.----))