انا: باهي شني شن صار•الدكتوره: ماصر شي،،مازالت بنت•
أميرة: بس كيف؟!!•
الدكتوره: عادي ماتخافيش المواضيع هذينا ديما يصيرن في الاول،،ممكن مش منسجمين مع بعضهم•
انا: اوكي شكراً•
ومشيت درت مراجعتي...وروحنا وأميرة مش مصدقه روحها مش عارفه تفرح ولا تزعل مش عارفه الموضوع جد ولا حلم•
انا: أميرة عندك فرصه ما تضيعيهش،،ردي بالك تغلطي مره ثانيه•
أميرة: لالا معش نعاودها والله•
انا: ههههه يا خوفي حتى يوم الفرح ما تخلش ايمن يقربك•
أميرة: هههههههه•
انا: خطرها علي ايمن كلميه حرام عليك لكم أكثر من شهر هكي خايفه يفسخ الخطبه•
أميرة: شن نقوله مش عارفه•
انا: اماني قالتله مريضه،،قوليله كان عندي هبوط حاد ولا اي حاجه،،يومتها جت بسمه تطمن عليك وانتي عند اكرم قلتلها تعبانه في المستشفى•
أميرة: طيح سعدكن تفاولن عليا•
انا: ههههه شن تبيني ندير يعني•
أميرة: تو نكلمه بس والله خايفه•
انا: ما تخافيش كلميه واحكي بجرئه بيش ما يقولش تكذب عليا•
اميرة: حاضر•
انا: ماشي توا خليني نشوف الفرخ هذا اكيد قاهر بابا•
أميرة:"شدتني شورها وحضنتني" شكرا يا امولي،،مش عارفه بلاك شن ندير•
انا: يا عمري مستحيل نسيبوك نحن خواتك،،مره ثانيه اي حاجه تصير معاك قوليلنا طول•
أميرة: حاضر•
انا: خلاص هي رني عليه هيا،،•
وطلعت•
_________
حكت أميرة مع ايمن وع المغرب رن جرس الحوش،،،طلعت فتحت الباب•
عمتي خديجه: اهلين اموله شن اخبارك•
انا: اهلين يا عميمه،،الله يسلمك الحمد لله،،شن اخبارك انتي•
عمتي: الحمد لله•
انا: تفضلي•
سلمت ع البنات ومشينا نهدرزو•
دارت أميرة قهوه وجت قعمزت معانا•
عمتي خديجه: شن اخبار صحتك يا اميره.. الحمد لله ع سلامتك•
أميرة:"توترت معش عرفت شن تقول لأن ماما تمت تبحت فيها" الحمد لله ما تشوفي باس•
انا: ''تميت نبحت في ماما بيش ما تكلمش"
أنت تقرأ
ابتسامة حزن
Ficção Adolescente______روايات باللهجة الليبيه_______ ((----للكاتبه لولو المغربي.----))