ابتسامة حزن

ابتسامة حزن/الحلقة"35"

اسفه صار خلل في الواتباد...في الاول راحت الروايه ودرتلها استرداد وبعدين تلخبطت الحلقه هذي مع حلقه ثانيه..

وتوا عدلتها..

اسفه مرة ثانيه.

♥♥
______

وفي الليل رن عليا إبراهيم قالي اطلعي قاعد برا.

طلعت...وفي طريقي لقيت معتز في الجنان يدخن...هلبت من تلاه بدون ما نبحت فيه ولا نعطيه اي اهتمام.

معتز:السلام للملائكة.
انا:"بحتت فيه وما بتش نحكي معاه"
معتز:ماشاء الله شكله قريب الموعد."قصده على البيبي"
انا:مش شورك قريب ولا بعيد.
معتز:ولد ولا بنت.
انا:مخليينها مفاجئه.
معتز:والله طلع راجل أستاذ الرياضات عرف كيف يتعامل معاك.
انا: راجل وسيد الرجاله اخرى...يكفي انه قعد عند كلمته مش كيف الفروخ متاعين الشوكات.
معتز:حبيتيهم متاعين الشوكات.

ورن فوني.

انا:الو.
إبراهيم:امل كنك طولتي قاعد برا من بدري نرجا فيك.
انا:هيا طالعه."سكرت من إبراهيم...وبحتت في معتز بنظرة استكراد وطلعت"

إبراهيم:كنك طولتي.
انا:لا شي كنت نحكي مع سناء.
إبراهيم:اها.
_________

وبعد كم يوم.

احمد:امي خلاص  بنطلع الفرح انا.
ماما:باه انت حدد الموعد الي يناسبها ويناسبك وحاضر ما عندكش مشكه.
احمد:باه خلاص تم..

______

إبراهيم:حبيبي شن قررتي تسميه البيبي.
انا:مش عارفه الصراحه...كله منك مش عارفه شن جنسه عشان نسميه.
إبراهيم:باهي نتفقو من توا...كان بنت نسميها انا...وكان ولد تسميه انتي.
انا:تمام.
إبراهيم:باهي مازالت مطوله مسعوده.
انا:مسعوده من.
إبراهيم:بنتي.
انا:إبراهيم صبي من قدام وجهي هذي الي ناقصه والله.
إبراهيم:هههههه نبصر معاك يا حاله.
انا:ربي يخليك لي بهبالك.
إبراهيم:ويخليك لي.

______

رنيت علي اماني نبيها تجي تقعد معايا لان موعدي قرب...بس ما ردتش.

شوي ورنت عليا.

انا:الو.
اماني:هلا حبي شن الجو.
انا:تمام الحمد لله...شن جوك انتي.
اماني:تمام والله.
انا:موني نبي منك خدمه.
اماني:تفضلي يا عمري.
انا:نبيك تجي تقعدي معايا حاسه روحي تعبانه وااجد.
أماني:امولي انتي عارفه قصة سراج ما نقدرش لالا.
انا:سراج مش قاعد عنده شغل بايت برا كم يوم.
اماني:باه حاضر تو نجي بكره.
انا:بكره عينك تحي اليوم.
اماني:ههههه باهي بشويش وسعي بالك.
انا:تمام تبي تجي يعني
اماني:اها..نشوف احمد ونقوللك.
انا:ماشي سلام.
انا:سلام.

______

اماني:هلا بيبي شن الجو
حمزة:تمام شن جوك انتي.
اماني:الحمد لله...بيبي انا نبي نمشي لامل.
حمزة:لالا مافيش مشي عندهم شباب غادي ريحي روحك.
اماني:نبي نقعد عند امل في شقتها مش شوري الشباب.
حمزة:قلت لا انا خلاص..اسمعي الكلمه.
أماني:حاضر.
حمزة:ربي يخليع ليا لي يسمع فب الكلام.
اماني:ويخليك ليا.
حمزة:حبي توا بنسكر قاعد مع الشباب تبي حاجه.
اماني:لا سلامتك.

وطبعاً اماني ما دورتش كلامه بس كانت تبي تدير طروح ع اساس نسمع في الكلام وجو اهتمام بس.

جتني اماني كسدت عندي ودرنا جو حلو وجت اسراء حتى هيا كسدت معانا.

_____

اميرة:ماما نبي نمشي للسوق عندي نواقص نبي نجيبهن.
ماما:ضروري.
اميرة:ضروري ضروري.
ماما:باهي تو نشوف احمد بالك يشيلك.

مشت ماما حكت مع احمد وقاللها تطلع توا لان عنده شغل.

ماما:هيا بسرعه يرجى فيك برا.
اميرة:باهي طالعه.

طلعت اميرة ومشت للسوق.

وهم في السوق...خضت اميرة حاجاتها كلهن واحمد قعد يسلك في الراجل.

أحمد:عدي اركبي تو نلحقك.
اميره:حاضر.

طلعت اميرة من المحل وهي في الشارع في شاب نابشها.

ومن حظه الحلو فطنله احمد.

أحمد:"طلع بسرعه"
الشاب:اول ماشاف احمد مشى بسرعه ركب في سيارته وطلع.
احمد:امشي اركبي انتي ما دتلي وجهك هنا.
اميرة:حاضر"وركبت في السيارة"..
احمد:"رن علي انور صاحب جمال"ايوه
انور:ها احمد شن الجو.
احمد:انور في سيارة كمارو بيضه جايه شورك امسكه ليا.
انور:كنك شن في.
احمد:امسكه بس جايك.
انور:حاضر.

وسكر الخط وانفصل علي اميرة.

حطها في الحوش وطلع طول.

اميرة:"خشت تجري" ماما اكرم وين.
ماما:مش قاعد في العمل..كنك.
أميرة:لالا ماكني شي.

وخشت للدار معش عرفت شن تدير.

ورنت علي ايمن...

اميرة:الو.
ايمن:وأخيراً حنيتي.
اميرة:تش مش وقت سخافه.
ايمن:كنك شن في.
اميرة:تعرف انور الفلاني الي يشتغل في المرور.
ايمن:اها صاحب اكرم.
اميرة:توا نبعثلك العنوان في رساله امشي شوفه هو واحمد قاعدين احمد داير مشكله.
ايمن:شن في عليش.
أميرة:تي امشي توا بس وبعدين نحكيلك.
أيمن:باه تم.

سكرت اميرة وبعثتله العنوان في رساله.

______

قعدت انا والبنات نهدرزو ونحكو في مواقف قديمه وميتات ضحك.

شوي رن فون إسراء وخذت زاويه وتمت تحكي.

وقعدت انا واماني نهدرزو بعد شوي سمعت صوت مفاتيح.

انا:إبراهيم جاء.
اماني:امشي الهيه شوي لين تنهي موضوعها شكله موضوع ساخن وما يتأجلش
انا:وكان خش شن ندير.
اماني:امشي بس.

صبيت بسرعه ولاقيته وقعدت واقفه قدامه.

انا:هلا حبيبي نور الحوش.
إبراهيم:"حط يده علي راسي" عندك حراره.
انا:عليش كنك.
إبراهيم:استغربت الموضوع بس.
انا:لاني انحبببك..
إبراهيم:والله.
انا:هههه والله.
إبراهيم:خير شن في..احكي
انا:مافي شي اا مرايفه عليك.
إبراهيم:والله...من حفظها لك...اكيد في حد قاللك قوليها له.
انا:معقوله..يعني مش من حقي نرايف علي حبيبي.
إبراهيم:هههه لا من حقك...بس توا نبي نحكيلك موضوع.
انا:احكي.
إبراهيم:ما نبكش تخافي تمام.
انا:باهي احكي بس.

#يتبع