خش اكرم للدار•
أميره: "قعدت تبحت فيه وترعش"•
أكرم: مع من كنتي تحكي•
اميره: اا مع ميرال•
اكرم: ع اساس تفهم فيك ميرال•
اميره: نلعب فيها•
أكرم: اها باه حطيلي حاجه ناكلها•
اميرة: نسمه ما دارتلكش غداء ولا كيف•
اكرم: شلتها للعزاء مع امي والبنات،،، بعدين انتي شن دخلك•
اميرة: تو نحطلك بشوبش بس•
ومشت سخنتله الغداء وجاباته له•
أكرم: عطيني فونك•
اميره: شن تبيه•
اكرم: قتلك هيتي ال&#*
اميره:اهو هاك•
أكرم: خذا الفون وطلع قعد في المربوعه•
اميره: هيا اطلع بسرعه من باب المطبخ•
ايمن: باهي ردي بالك من روحك كان صار اي شي قوليلي•
اميرة: ما تخافش عليا،،، امشي توا بس خير ما تحصل طريحه•
أيمن: ههههه باه اوكي•
باسها وطلع•
طلعت وراه سكرت الباب وخشت•
__________
اماني: تعالي•
انا: "طلعت معاها" كنك•
اماني: انتي وين كنتي•
انا: عليش تسالي•
اماني: اصل إبراهيم قالي جت معاكم امل ولالا وانا هزبته•
انا: هييييي•
اماني: كنك•
انا: تو نحكيلم بعدين...توا نبي نمشي•
اماني: شني•
انا: " مشيت وسيبتها"•
خشيت لبست خماري ومشيت لسهى•
انا: وين جمال•
سهى: قاعد جوا وين ماشيه•
انا: جمال عنده تطعيمه ما نطولش عليكن•
سهى: اها خوذي راحتك•
انا:"مشيت خذيته،، ورنيت ع جمال قالي قاعد برا"•
طلعت مشيت فتحت باب السيارة وسمعت صوته وحسيت جسمي رعش•
إبراهيم: وقفي انتي•
انا:"تميت نبحت في جمال ونرعش"•
جمال: اركبي•
انا:"جيت بنركب شوي شدني إبراهيم•
إبراهيم: وين ماشيه بالعيل•
جمال: "نزل من السياره" كنك شن في•
أنت تقرأ
ابتسامة حزن
Ficção Adolescente______روايات باللهجة الليبيه_______ ((----للكاتبه لولو المغربي.----))