سلام😍
اسفه ع التأخير...بس هالفتره ضغط دراسه...رح نحاول اننظم وقتي...الحلقه الجايه رح تنزل يوم الخميس ولا الجمعه.
ان شاء الله تعجبكم الحلقه◇❤◇
_____________
وانا طالعه سمعت صوت ناداني...مع اني ما كنتش مستنيته...ولا كنت بنشوفه...بس فرحت لما سمعته.
معتز:امل..وين ماشيه.
انا:ماشيه للمدرسة...شايلني احمد.
معتز:اها...باهي مروحه هنا ولا..
انا:اا لالا مروحه لحوشنا.
معتز:اها.
انا:يلا سلام...وكنت طالعه وحسيت بيد دافيه مسكت يدي...التفتت.
انا:معتز...اا تو يشوفنا احمد يفهمنا غلط.
معتز:سحبني من يدي وخش بيا جوا بيش ما يشوفنش أحمد..
انا:معتز كنك انت ا...
وقطع كلامي.
معتز:عطيني فونك.
انا:نعم.
معتز:طلعي فونك نبيه...هيا بسرعه راه يخش احمد يشوفنا..بعدها يذبحك مش شوري بيك انا.
انا:بارد.
معتز:نعليا نا من العصبي...وغمزلي.
انا: انحرجت وعطيته الفون وانا ساكته.
معتز:ايوه ديري هكي من الأول.
معتز سجل رقمه ورن عليه...وعطاني الفون.
معتز:بيناتنا فون.
وباسني وطلع.
انا:انصدمت من الموقف.
فطنت لروحي في الأخير...وطلعت نجري ركبت في السياره وحصلت هزيبه من احمد عشان طولت.
احمد:شني هذا؟؟.
انا:شني؟؟.
أحمد:العطر الرجالي يلي عالق في دبشك يا فرخه.
انا:ااا عطر "في راسي حي علمي شن درت فيا يا معتز".
احمد:عارفه عطر احكي من وين جاك.
انا:انا نسيت عطري فالحوش وهذا عطر إيمان.
احمد:إيمان تستعمل في عطور رجاليه.
انا:اها عشان العطر الرجالي قوي ويطول.
احمد:معش تستعمليهن العطور هذين فاهمه.
انا:حاضر.
_________
وصلت للمدرسه..
القيت نسمه وساره ومروه غايبات...سلمت ع الصف كله وخشينا كانت اول حصه عندنا رياضيات أستاذ إبراهيم 🙈😍❤
طبعاً نسمه قعدت جنبي لان مروه غايبه.
نسمه:احكيلي شن صار عند خوالك بالتفصيل.
أنت تقرأ
ابتسامة حزن
Novela Juvenil______روايات باللهجة الليبيه_______ ((----للكاتبه لولو المغربي.----))
