جتني اميرة ماسكه فوني يرن•أميرة: سناء•
أنا: الو•
سناء: خيرات غلايا شن جوك•
أنا: تمام شن جوك انتي ياقلبي•
سناء: تمام الحمد لله•
أنا: شن سر الفرحة هذي فرحيني معاك•
سناء: أنور جاب امه اليوم وقال يبي يطلع الفرح بعد شهرين•
أنا: ماشاء الله مبروك•
سناء: يبارك فيك...اسمعي انا مكلمتك في مصلحه راه•
أنا: هههه معروفه هذي•
سناء: ازي عليك يا حقيرة•
أنا: هههه انتي تطلبي عيوني فداك•
سناء: ناعليا نا معش نقدر•
أنا: شن المصلحه•
سناء: نبيك تجي تباتي معايا الفترة هذي•
أنا: سناء تحكي جد انتي•
سناء: عارفه قصتك مع معتز لكن والله ما يخش راه انا بروحي متعاركه معاه•
أنا: ماشاء الله عليك يا عاقله•
سناء: شن نديرله ينرفز المهم يصير منها تجي•
أنا: نشوف إبراهيم ونقوللك•
سناء: خلاص تم•
أنا: سلام حبي•
سناء: سلامات•
أماني: كنها•
أنا: انخطبت والفرح بعد شهرين•
أماني: لووولووووووليي•
أنا: سكري فمك وانتي متسبله•
أميرة: من خطبها•
أنا: أنور•
أميرة: أنور الشرطي هذا صاحب جمال صح•
أنا: اها....هيا خلينا نخشو الجو صقع•
----------
معتز: كيف توافقي هكي بلا ما تشاوري حد•
سناء: نشاور من محسن موافق وانت شن دخلك•
معتز: كيف شن دخلك ولد خوك•
سناء: قلتها بروحك ولد خوي مش خوي•
معتز: باه يا سناء تمت هكي هيا•
سناء: اها هكي وبعدين مش قتلك وجهك معش بنشوفه ما تفهمش انت•
معتز: باه "طلع وخبط الباب وراه"•
----------
منتصر: فاتحة ولد عمي الأسبوع الجاي•
أنت تقرأ
ابتسامة حزن
Teen Fiction______روايات باللهجة الليبيه_______ ((----للكاتبه لولو المغربي.----))