فتحتلها اسراء الباب ورقت لقت باب الشقه مفتوح و لقتني قاعده في الصاله نبكي ومنهاره•
اماني:امولي كنك ياروحي•
انا:...
اماني: امولي احكيلي كنك شن صار•
انا:ما كني شي ياموني بس حسيت بضيق•
اماني: من شن متضايقه•
انا: مافي شي هكي وخلاص•
اماني: مفش حد يتضايق بلا شي احكي كنك•
انا: "تميت نبكي" مش عارفه..انا بروحب مش فاهمه روحي...خلاص خطيني•
اماني: "عيونها تعبن دموع لما شافت حالتي والوضع يلي انا فيه..ضمتني بالقوه"
وانا انهرت وقعدت نبكي معش قدرت نمسك روحي•
________
مشى الوقت ومشى شهر بالضبط..
وفي هالشهر تغيرن حاجات واااجد..إيناس ردت لحوشها..واماني وسراج تصالحو..وتحدد فرح أحمد..ومعتز انحكم عليه شهرين يعني مزاله شهر أخرى..طبعا لان إبراهيم كذب وقال إنهم لحقوه من حوشهم وهم يلي تعدو عليه•
و اليوم..
هذا هو اليوم يلي استنيته وبكيت بسببه..وحياتي تلخبطت..وأخيراً جتني ورقة طلاقي.
أماني: أمل انتي متأكدة من قرارك•
انا: "نبحت في جو وحطيت يدي ع بطني وخانقتني العبره...كيف بنخليهم هكي..بس هكي خير..في حرب جوايا بين عقلي وقلبي..ما نبيش عيالي يعيشو بلا اب..بس ما نبيهمش يقعدو زي إبراهيم...جاوبتها وبدون ما نقول اي كلمه..وقعت ع الورقه..ومشيت نجري خشيت للدار وسكرت ع روحي"•
اماني: "انقهرت لان ما عندهش حل عشاني..واساسا هذا يلي لازم يصير..تمت تبكي"•
أحمد:شن في كنك انتي...ورقت طلاقك وما معلمش•
أماني: اختي راه اكيد بننقهر عليها•
أحمد:"حس روحه حقير" كلميها قوليلها يبيك احمد..خليها تجي في الدار•
كلمتني اماني وطلعت مشيت لأحمد•
انا: نعم•
أحمد: خشي تعالي•
انا: "خشيت قعمزت جنبه"•
أحمد: آسف.."وضمني بالقوه" آسف انا السبب في حالتك سامحيني•
انا: "انصدمت من طبع أحمد يلي تغير كليا" لا انت مش شورك اصلا..مسامحتك اكيد•
احمد: فهميني ليش تبكي انتي ما تبيش عليش تبكي باهي•
انا: "تميت نبكي" مش عارفه..ولدي تو يقعد هكي عايش بعيد من باته مش كيف العيال الآخرين..معش حد يدوره•
أحمد: ياهبله معقوله بنخلو ولدك هكي..توا جمال ولدي انا فهمتي•
انا: ههههه والله..تو يجوك عيال وتشقى بيهم•
أنت تقرأ
ابتسامة حزن
Teen Fiction______روايات باللهجة الليبيه_______ ((----للكاتبه لولو المغربي.----))
