خشت أماني للدار مع أكرم•
أكرم: تعالي قعمزي•
أماني:"خشت بخوف وقعمزت جنبة" تبي حاجة•
أكرم: آسف•
أماني: علي شن•
أكرم: هاكي الفون "ومده لها"•
أماني: "انصدمت من حركة أكرم"•
أكرم: امسكي راه نغير رأيي•
أماني: "خذت الفون وقعدت تبحت فيه"
أكرم: نحسابك رديتي لفرخ الحرام هذا مرة اخرى...بس بعد فتشت الفون وقعد معايا كم يوم محد رن رقالي من روحي•
أماني: من تقصد•
أكرم: حمزة•
أماني: أكرم انت فاهم غلط راه مافيش حاجة بيننا•
أكرم: أماني أنا اعتذرت منك ورديتلك فونك وهذي حركة ما يديرهش الخو لاخته حتى كان هو الغلطان بس ما تحاوليش تكذبي عليا...لان رح تشوفي وجه ما يعجبكش•
أماني: "خافت وقعدت ساكته"•
أكرم: خلاص أمشي نبي نرقد شوي•
أماني: حاضر•
و طلعت وهي مصدومه معقولة أكرم هكي...ما توقعتش الموضوع يمشي بالطريقة هذي•
----------
ثاني يوم مشيت من الصبح لهلي لان ماما كانت دايرة عشاء وعازمه عمامي وخوالي وعربي انا و إيناس•
ومشيت عشان نساعدهن...وجت حتى نسمة تساعد حتى هيا.
ماما: اسمعن ابرمن علي الحوش قبل•
انا:أماني واميرة تو يبرمن ع الحوش والمطبخ خليه شوري انا ونسمة.
ماما:باه...ماشيه نشوف في باتك كان تبن حاجة كلمني.
انا:حاضر.
نسمة:غريبة إيناس توقعتها تجي من الصبح.
انا: منتصر واعر بكل.
نسمة: اها..ما تصدقش شن صار.
انا:شني احكي.
نسمة:"طلعت فونها".
انا:هييي والله تقدري كيف خذيتيه.
نسمة:عطاه ليا يومتها.
انا:هههه مسكين ما قدرش يتحمل.
نسمة:هههه.
----------
ومشى الوقت وع العصر جو عمامي وعماتي...وبعدهم بشوي جو خوالي...بس هل ابراهيم طولو.
نسمة:كنك.
انا: غريبة طولو بكل.
نسمة: باهي رني عليه.
انا: اها هذي الي نبي نديرها...شوي تو نجيك.
أنت تقرأ
ابتسامة حزن
Genç Kurgu______روايات باللهجة الليبيه_______ ((----للكاتبه لولو المغربي.----))
