سراج: ايوه•
انا: خيرات شن جوك يا سراج•
سراج: تمام والله الحمد لله•
انا: وين قاعد•
سراج: في الحوش كنك تبي حاجه•
انا: اها عادي تجيني عند هلي نبيك•
سراج: اكيد،،،ان شاء الله خير بس•
انا: لا خير ما تشغلش بالك•
سراج: ماشي سويه بس معايا شباب نوزعهم ونجيك•
انا: ماشي سلام•
سراج: سلام•
----------
الهام: خلاص تو ماما تدورني نبي نمشي•
احمد: لا وين تمشي ديري جوك اليوم تباتي هنا•
الهام: طيح سعدك شن تبي فيا•
احمد: هههههههههههه ياعنجد عقلك بكل،،،مش الي في بالك بس مرايف عليك•
الهام: "تغير لون وجهها،،،وطبست راسها"•
احمد: ههه ناعليا نا,,,ايوه اقهريني اخرى•
الهام: ههههه اسمع ايمن جاء صح•
احمد: اها قاعد برا•
الهام: هييي كان يشوفني هنا يقتلني نبي نخش•
احمد: ههه معقوله خايفه ومعاك انا"ومسك يديها وطبس عليها" يعني حبيبك بيخليه يقربك معقوله•
وطلعت هديل وصوت امها وراها•
هديل: اهي المدام قاعده هنا وامها تدور فيها•
الهام: "بحتت في احمد و باساته" نحكو بعدين بيبي•
احمد: "فهم انها تبي تقهر هديل" تم حبي زي ما قتلك اليوم تباتي•
الهام: حاضر من عيوني•
ومشي احمد•
هديل: مبروووك طيحتي روحك في مصيبه كبيرة•
الهام: يبارك فيك،،،احلى مصيبه شفتها في حياتي،،،ياريت كل المصايب زيه•
طلعت ام هديل لقتهن مصبيات في الجنان•
هديل: هيا يا ماما طولنا•
وطلعن•
خشت الهام لقت عمتي خديجه تدور فيها•
عمتي: وين كنتي•
الهام: كنت مع ايمن برا قاللكم هيا•
عمتي: هيا نحن واتيين البسي عبايتك•
الهام: لالالا انا نبي نبات•
عمتي: حلوه هذي لا مفش بيات•
الهام: ماما عيب البنات مسكني•
بسمه: خليها ياماما•
انا: عميمه خليها انا نبيها تكسد معايا مرايفه عليها•
أنت تقرأ
ابتسامة حزن
Genç Kurgu______روايات باللهجة الليبيه_______ ((----للكاتبه لولو المغربي.----))