خذيت جو نغيرله لان كب ع روحه ميه شوي جتني اماني تجري•
انا: كنك فجعتيني•
اماني: إبراهيم في المستشفى مضروب بسكين•
انا:هييييي حي عليا حي..من قالها لكي•
اماني: سجود رنت عليا توا•
انا: احمد قاعد...نبي نمشي نشوفه•
اماني: مش قاعد وبعدين ما تقدرش تشوفيه انتي•
انا: عليش•
اماني: توا مازال في العنايه ما تقدرش•
انا: بس انا مراته وبنشوفه•
اماني: توا عرفتي روحك مراته•
انا: تعرفي تخطيني•
اماني: "طلعت وخلتني في حاله"•
انا: ياربي ان شاء الله مش جمال يلي ضربه...اكيده هو•
___________
سهى: ياربي امتى يكملن مشاكله هذا لحد امتى بنقعدو هكي ما سدش ماما"وتمت تبكي"•
سجود: شش خلاص اهدي قالك ضربه ساهله مافيه شي•
اسراء: مش دوبك متعاركه معاه توا خطرلك تبكي اصلا كله منك•
سهى: حتى كان متعاركه معاه خوي راه..نخاف عليه•
سجود: اسراء اسكتي مش ناقصه القصه•
اسراء: "مشت خشت للدار وسكرت علي روحها"•
سجود: من يلي ضربه هو•
سهى: ولد خال أمل•
سجود: هييي حي عليك قصه ما لقى إلا هل امل يدير معاهم مشاكل•
_______
انا: احمد شيلني نبي نشوفه•
احمد: لالا شن تبي ماشيه رجاله غادي ريحي روحك•
انا: بس هو في مستشفى خاص يعني بروحه ما معاهش رجاله...نبي نمشي يا تشيلني يا نمشي بروحي•
أحمد: استغفر الله باه وتي روحك بسرعه..وقولي لاماني كان تبي تطلع للسوق•
انا: تبو تحطوني وتعدو•
احمد: لالا بعد تنهي موضوعك نمشو للسوق•
انا: باه•
كلمت اماني ولبسنا ع السريع وطلعنا•
....
وصلنا ولقينا علي قدامنا
انا: اهلين•
علي: مرحب•
انا: اا كيف وضعه•
علي: كويس واعي كان تبي خشي عليه•
انا: "بحتت في اماني"
اماني: خشي•
انا: تعالي معايا•
أنت تقرأ
ابتسامة حزن
Ficção Adolescente______روايات باللهجة الليبيه_______ ((----للكاتبه لولو المغربي.----))