أنا: الو...ها يا اكرم شن صار•
أكرم: نجحت العملية..والاسبوع الجاي خروج ان شاء الله•
أنا: الحمدلله•
أماني: شن صار•
أنا: نجحت العملية•
أماني: لوولوووولوووليي•
ماما: "طلعت من دارها مفجوعه" شن صار•
أنا: "ماعرفتش شن مقوللها لان ما حكينالهش علي العمليه بحتت في البنات"•
أماني: أكرم قال بابا مروح الاسبوع الجاي•
ماما: الحمد لله...بس ما تحكنش لحد توا•
أنا: عليش•
ماما: نبيها تجي مع ترويحته بالمرة نبي نعزم عمامك وخوالك وعربكن انتي وايناس•
أنا: باه•
ع العصر جت نسمة كسدت معانا...درنا قهوة وقعمزنا نهدرزو•
أنا: مرايفه عليكن وعلي جو المدرسة•
نسمة: توا كل وحده في مكان ومروه جابت ماده عاودت ثاثه اخرى•
أنا:غريبة مروه شاطرة•
نسمة: هههه هي شاطرة لكن راجلك مكار
أنا: قصدك رياضيات ههه•
نسمة: اها•
أماني: توا شن تقري انتي•
نسمة: اقتصاد•
أنا: وسارة شن صار فيها•
نسمة: تجوزت...وحامل توا•
أماني: ماشاء الله•
وقعدنا نهدرزو...شوي خش أكرم•
أكرم: السلام عليكم•
نحن: وعليكم السلام•
أنا: "بحتت في نسمة فهمت انها تبي تحكي مع أكرم"موني ترا عدي شوفي جمال كان ناض ديريله رضاعته وجيبيه•
أماني: وأنا شن دخلني ولدك ولا ولدي•
أنا: امشي بلا سماطه•
مشت أماني...وخشت نسمة لدار أكرم•
نسمة: سلام•
أكرم: وعليكم السلام•
نسمة: شن جوك•
أكرم: مراايف عليك.."قعمز ع السرير شهدها قعمزها تلاه"•
نسمة: وانا اكثر والله•
أكرم: نقولك حاجة خوذي فونك"وطلعه من جيبه"•
نسمة: عليش•
أكرم: كنت نبي ندير موقف رجولي...لكن ما صارش مني هههه•
أنت تقرأ
ابتسامة حزن
Novela Juvenil______روايات باللهجة الليبيه_______ ((----للكاتبه لولو المغربي.----))
