ابتسامة حزن

ابتسامة حزن/الحلقة"26"

اماني:الو
حمزه:شن جوك حبي.
اماني:تمام شن جوك انت.
حمزه:تمام...كنك تحكي هكي...جفاف..
اماني:قاعده عند امل.
حمزه:اها ليش ما قلتيلي.
اماني:حبيبي من امتى بيناتنا الجو هذا..

سراج:"شد الفون من يدها"

اماني:هات الفون.
سراج:"سكر الخط وحط الفون في جيبه"
اماني:قتلك هات الفون"ومدت يدها ع جيبه تبي تطلع الفون".
سراج:"فصعلها يدها" مش انا الي تغفلني بنت.
اماني:وانت شن دخلك..
سراج:قاعده في حوشي يا ابله...يعني امانه عندي.
اماني:جيب الفون مش شورك...ما تدهلش في حاجه ما تخصكش.
سراج:"شد علي يدها اخرى"
اماني:اهااا يدي...
سراج:تمشي تقعدي مع البنات ما نبش نسمع صوتك...فاهمه ولالا.
اماني:عطيني فوني قبل
سراج:امشي قلت.
اماني:"جت قعدت معانا بلا ما تحكي اي شي"
انا:"استغربت هدوءها"موني كنك.
اماني:تعبانه شوي.
انا:باهي تعالي نرقو فوق ارقدي شوي بالك تتريحي.
اماني:باه هيا.

ونحنا راقيين شفنا سراج عند الدروج.

اماني:ازي ثور هذ.
سراج:نعم.
اماني:سلامتك.
انا:كنكم شن في.
سراج:أسألي اختك المحترمه.
اماني:مخليته لك الاحترام.
انا:تي شن في.
سراج:مافي شي"وطلع"
انا:اماني شن في كنكم.
اماني:مافي شي نبي نتريح ما عندش راس لدره الكبد.
_________

نسمه:وينك معش تدور فيا ولا تسأل.
اكرم:اسمعي من الأخير انا جو الفونات والكلام الفاضي هذا معش نبيه.
نسمه:كيف يعني.
اكرم:بكره جايك تو نأخذ الفون وما نبش نسمعك دايره فون من ورايا.
نسمه:عليش هذا كله...وكيف نبي نتواصل معاك.
اكرم:امي تو تجيكم الاسبوع الجاي ان شاء الله.
نسمه:أكرم الناس تو يعينوكم انت وخوك تخطبو مع بعضكم.
اكرم:فكيني من كلام امي الله يربحك.
نسمه:حبيبي كنك متغير عليا.
اكرم:مش متغير لكن ما نبيلكش مشاكل مع هلك...
نسمه:ربي يخليك ليا.
اكرم:ويخليك ليا يا عمري.....انحببببك.
نسمه:نمووووت فيك.
__________

سناء:شن جوك توا.
جمال:تمام..
سناء:تحس في شي ولا خلاص..
جمال:نحس في هذا بس"وحط يده على قلبه"
سناء:"عيونها تعبن دموع"اسفه.
جمال:مش غلطتك...كله بالنصيب.
سناء:تو تنساها.
جمال:لالا ما نبش ننساها.
سناء:جمال هكي تعب روحك.
جمال:ما نقدرش ننساها....انحبهااا.
سناء:توا تقول هكي لكن تو تلقى غيرها وتنساها.
جمال:"طلع وسيبها"...صبا برا وتما يدخن.

خالي محمد:شن هذا.
جمال:شن.
خالي:من امتى تدخن ما يسدش معتز...وانتم كلما تكبرو تنهبلو.
جمال:باتي راسي يبي يطربق بروحه مش ناقص.
خالي:الله يهديكم وخلاص ما عندش ما ندير رجاله كبار.

___________

إبراهيم:امل...ضروري نحكو.
انا:مفش شي نحكوه خلاص.
إبراهيم:شن الي خلاص...قتلك ضروري نحكو.
انا:"ما بتش نحكي معاه مصبيه وساكته"
إبراهيم:امل انا انحبببك انتي....نا عندكش فيا ثقه معقوله.
انا:بعد الي سمعته عنك ما نقدرش نحط فيك ثقه.
إبراهيم:"فهم ان في حد حكالي ع افنان"شن سمعتي.
انا:إبراهيم خلاص خطاني.
إبراهيم:احكي شن سمعتي.
انا:الي بينك وبين افنان.
إبراهيم:ما فيش بيناتنا شي زمان بس كان حب طفوله...بس توا خلاص.
انا:وليش قتلي ما حبتش قبلك.
إبراهيم:ما نبكش تقعدي عايشه في شك.
انا:والي امس شن نقول عليه.
إبراهيم:رح نحكيلك بس انتي اهدي.

وحكالي إبراهيم قصه صارت مع صاحبه وهو اتصل بيه امس عشان يساعده...بس الفكره مبتش تخش راسي بكل.
______

مشن ثلاث شهور وبابا تزوج...والمصيبه انهم قاعدين يبنو فوق حوشنا...ويبي يسكنها فوقنا...واكرم خطب نسمه...وبدأ يكمل في شقته...تشطيبات اخيره بيش بعدها يطلع الفرح

_______

نضت الصبح وكالعاده إبراهيم يدخن جنبي ضروري نصبح علي الدخان متاعه.

إبراهيم:صباح الورد حبيبي.
انا:إبراهيم هذا شني حوله.
إبراهيم:شني.
انا:الدخان كنه هكي.
إبراهيم:دخاني القديم ما غيرتش.
انا:"صبيت من تلاه وخشيت للحمام طول كبدي تلعب ع الصبح"
إبراهيم:نشيلك للمستشفى.
انا:لالا غير اطلع انت بس..والدخان هذا معش تخششه ليا هنا.
إبراهيم:شقتي هذي يا ابله.
انا:نمشي انا لهلي راه.
إبراهيم:باه خلاص طالع.

طلع إبراهيم....وانا خشيت راقدت اخرى....جاني عالعصر.

إبراهيم:امل..نوضي ما تقوليش راقده من اول ما طلعت.
انا:اها...نحس في راسي...ودايخه بكل نبي نرقد.
إبراهيم:باهي البسي نشيلك للمستشفى.
انا:لالااا..ما نبش مستشفى...
إبراهيم:هههههه فهمت خايفه يعطوك ابره.
انا:مش خايفه...خطاني.
إبراهيم:باهي انا شن ندير توا نبي غداء.
انا:دبر روحك اليوم.
إبراهيم:صبرني يارب.

نزل إبراهيم لوطه تغدى عند هله...

إبراهيم:سهى.
سهى:نعم.
إبراهيم:ارقي شوفي امل...مريضه بكل ما الصبح راقده ما ناضتش.
سهى:حاضر.
عمتي:بدع...من الاول قتلك الجيل هذا مدلع ما تاخذش منه لكن خليك اهو تو تعبك معاها البنت هذي...مش كان خذيت بنت خالتك خير.
إبراهيم:امي خلي بيني وبينها...والبنت مش مقصره معايا...لا عمرها علت صوتها عليا ولا عمرها غلطت في شي على عكس الناس لخرى.
عمتي:من قصدك بالناس لخرى.
إبراهيم:بالله ما توجعيلش راسي راه مش ناقص.

سهى:"خشت تجرى".إبراهيم تعال شوفها تعبانه بكل راه.
إبراهيم:كنها شن صارلها.
سهى:شكله عندها هبوط...دايخه بكل.
إبراهيم:تي هذي خامس مره تدوخ مش عارف شن قتها
"صبى بسرعه وجاني فوق"

إبراهيم:امل...حبيبي تسمعي فيا..
انا:نسمع فيك...إبراهيم شيلني لماما.
إبراهيم:تي كيف تبيني نشيلك لها مريضه.
انا:نبي نمشي لماما شيلني.
إبراهيم:مفش مشي لهلك...تو نشيلك للمستشفى خير.
انا:لالا ما نبش.
إبراهيم:البسي فكينيةمن العناد.

سكرت راسي ما بتش نلبس شوي كلم سهى قاللها تلبسني عليما ولع السياره.

لبست ونزلت انا وسهى ركبنا في السياره..

خشيت طول ع الدكتوره...

الدكتوره:انتي كم مواليدك.
انا:97.
الدكتوره:واضح عليك صغيره اصلا حتى مش فاهمه شن عندك.
إبراهيم:ما تلعبش باعصابنا كنها شن في.
الدكتوره:معلش اهدى وطلع نبي نكشف عليها.
إبراهيم:راجلها انا.
الدكتوره:عارفتك راجلها...بس خلينا بروحنا لو سمحت.

طلع إبراهيم وقعد يستنى فيها تكمل.

وطلعت انا ومعايا الدكتوره.

إبراهيم:ها شن صار.
الدكتوره:......

#يتبع.