الدكتور: هي حامل•
جمال: شنيي"بحت في سناء معش عرف شن يدير"
سناء:"فرحت"ماشاء الله•
جمال: "رقاله وخبط يده في الساس"•
انور: جمااال...اهدا•
سناء: كنك انت هذا بدال ما تفرح•
جمال: ع شن تبيني نفرح...قالك حامل...تي حامل من الحقير هذا كيف تبيني نفرح•
سناء: الحقير هذا راجلها...وبعدين عندها ولد من قبل ولا نسيت•
جمال: قبل قلت العيل بس عادي...بس توا حامل مرات تفكر تردله...عشان عيالها•
سناء: وهذا الصح•
جمال: شني الي صح شوفي شن دار فيها...تي هذا مش راجل يتقاوا ع بنت•
سناء: انا مش شوري بالموضوع كان امل مقتنعه ترجعله ما تضعطش عليها ما تدمرش حياتها•
جمال: وحياتي؟؟!..شن يصير فيا؟؟
سناء: تلقى غيرها وأحسن منها•
جمال:"بحت في أنور" خوذ مراتك وامشي..خير ما نرتكب جريمه•
انور: "خذا سناء وروحو''•
وجمال قعد يستنى فيا امتى انوض•
__________
اماني: اميره
أميره: نعم•
اماني: "قعمزت جنبها وضمتها" ليش زعلانه...مش هذا يلي تبيه...اهو حبيبك تقدملك...شن تبي ثاني•
اميرة: "نزلت دمعتها...بس مسحتها ع طول" هو جرحني بكلامه•
اماني: يا غبيه دايرلك مفاجأة•
اميره: بس انا مش موافقه...معش نبيه•
اماني: ليش ترفضي حرام عليك•
اميره: وانتي ليش درتي هكي لسراج مش حرام عليك حتى انتي•
اماني: بس انتي مش عارفه ليش درت هكي•
اميره: حتى انا عندي سبب رفضت عشانه•
واتكيت رقدت•
___________
فتحت عيوني وشفته كان فرحان وزعلان ومشاعره خاشات في بعضهن•
جمال: وأخيراً نضتي•
انا: "ابتسمت لان ما عندش جهد نحكي"•
جمال: "قعمز جنبي ومسك يدي وباسها" تحسي في حاجه ياعمري...تبي اي شي نجيبه لكي•
انا: لااا..انا كويسه..ما تخافش عليا•
جمال: الحمدلله ع سلامتك ياروحي•
انا: "قعد نبحت فيه وساكته..لان اول مره يحكي معايا بالطريقه هذي..ع اني حبيبته..كان يقولي انه يحبني بس عمره ما حكى معايا هكي"•
أنت تقرأ
ابتسامة حزن
Novela Juvenil______روايات باللهجة الليبيه_______ ((----للكاتبه لولو المغربي.----))
